आशाताई बच्छाव
रोटरी क्लब ऑफ मिल्क सिटी संगम च्या वतीने अपंग बांधवाना तीनचाकी सायकल वाटप
चाळीसगाव प्रतिनिधी विजय पाटील- रोटरी क्लब ऑफ मिल्क सिटी संगम च्या वतीने दरेगाव ता चाळीसगाव येथील अपंग बांधव गोटीराम सोनवणे यांना तीनचाकी सायकल मोफत देण्यात आली.
सामाजिक सेवेच्या भावनेतून रोटरी क्लब ऑफ मिल्क सिटी संगम चाळीसगाव च्या वतीने गरजू लोकांना मदत केली जाते त्यात अनेकांना विविध प्रकारच्या वस्तू देखील दिल्या जातात मागील आठवड्यात अनेक अपंग बांधवाना 3 चाकी सायकल चे वाटप करण्यात आले.
मात्र सायकल नुसती चालवून काय होणार तर त्या सायकल चा उपयोग अपंग बांधवांनी रोजगारासाठी करावा अशी कल्पना रवी शिरूडे यांना सुचली व त्यांनी तात्काळ अध्यक्ष डॉ सौ भाग्यश्री शिनकर व रोटरीचे सहकारी यांना सांगितले असता सर्वांनी निर्णय घेवून तीन चाकी सायकल ला रिक्षा सारखा छोटा टफ बसवून छोटया वस्तू विक्रीसाठी थोडीशी जागा बनवून घेतली व त्या सायकल वाटप केल्या.
या सायकल मुळे गोळया बिस्कीट व इतर वस्तू विकून अपंग बांधवांना आता रोजगार देखील उपलब्ध होणार आहे.
दि 8 जुलै रोजी तालुक्यातील दरेगाव येथील अपंग बांधव गोटीराम सोनवणे यांना तीनचाकी सायकल देण्यात आली यावेळी
रोटरी क्लब ऑफ मिल्क सिटी संगम
सुधीर आबा पाटील, रविद्र शिरुडे, आधार महाले, प्रकाश कुलकर्णी, रमेश पोतदार उपस्थित होते.
