आशाताई बच्छाव
नामपूरला दिवसा घरफोडी; दागिन्यांसह लाखोंचा ऐवज चोरी
सतीश सावंत-विभागीय प्रतिनिधी : क.स.मा.दे.
नामपूर : येथील तुळजाभवानीनगर, एचडीएफसी बँकेमागे, मालेगावरोडवर अज्ञात चोरट्यांनी दिवसा घरफोडी करत लाखोंचा ऐवज लुटून नेला.
याबाबत पोलिस सूत्रांनी दिलेली माहिती अशी की, पद्माकर मगर हे आपल्या कुटुंबासह नामपूरला वास्तव्यास असून नातेवाइकांकडे मांडवासाठी गेले असता दुपारी ११ ते २ वाजेदरम्यान त्यांच्या बंगल्याच्या कंपाउंडमध्ये अज्ञात चोरट्यांनी प्रवेश करत घराचा कडीकोयंडा तोडला. घरात प्रवेश करून घरातील कपाट फोडून रोख रकमेसह लाखोंचा ऐवज लंपास केला. मांडवाचा कार्यक्रम आटोपून दुपारी ४ वाजता मगर परतले असता घरात त्यांना चोरी झाल्याचे लक्षात आले. त्यांनी याबाबत नामपूर दूरक्षेत्रला झालेल्या घटनेची माहिती दिली. दिवसा झालेल्या घटनेमुळे परिसरातील रहिवाशांमध्ये भीतीचे वातावरण निर्माण झाले आहे. पोलिसांनी पंचनामा करून या गुन्ह्याच्या तपासाला वेग दिला.
अनोळखींची माहिती द्यावी
“नववसाहतीतील नागरिकांनी आपल्या परिसरात कोणी अनोळखी व्यक्ती आढळून आल्यास संबंधित पोलिस प्रशासनास याबाबत त्वरित माहिती द्यावी परगावी जात असताना शेजाऱ्यांना याबाबत माहिती द्यावी.”
पुरुषोतम शिरसाठ, सहायक पोलिस निरीक्षक, जायखेडा
