आशाताई बच्छाव
नामपूरला तब्बल 47 वर्षांनी भरली शाळा……
नामपूर,(प्रतिनिधी वामन शिंदे)-काही वर्षात शाळेतून दहावी बारावी उत्तीर्ण झालेले तरुण नोकरीनंतर व दहा-बारा वर्षांनी एकत्र येत- गेट..टुगेदर राबवण्याची संकल्पना चांगलीच रूढ झाली आहे परंतु नामपुर ला वयाची साठी पार केलेल्या शाळकरी मित्र मे ळाल्याने सर्वांचे लक्ष वेधून घेतले वृद्धत्वाकडे वाटचाल सुरू असूनही हम किसीसे कम नही म्हणणारे शाळकरी मित्र 47 वर्षापूर्वीच्या आठवणीत रममान झाले होते
शिक्षकांनी शाळेत केलेली शिक्षा यशानंतरची शाब्बासकी पाठीमागील बाकावर बसून केलेल्या खोड्या या आठवणींची ग्वाही देत मविप्रचा नामपुर इंग्लिश स्कूलच्या 1977 च्या दहावीच्या माजी विद्यार्थ्यांची तब्बल 47 वर्षांनी शाळा भरली एकमेकांना ओळखण्याची जणू स्पर्धा यावेळी सुरू होती जिवलग मित्रांच्या सुवर्ण महोत्सवी मेळ्या मुळे मैत्रीची वीण यामुळे अधिक घट्ट झाली मेळाव्याची कल्पना नामपुरचे माजी उपसरपंच राजीव सावंत सौ. कल्पना अलई गुलाब बापू सावंत शशिकांत सावंत जगदीश भावसार पंडित देवरे नामदेव भदाणे, विवेकानंद काकडे, ठाकरे सर, डॉक्टर राजेंद्र मोरे यांनी मांडली त्यानुसार व्हाट्सअप च्या माध्यमातून सर्व माजी विद्यार्थ्यांचा शोध घेत माझी शाळा माझा अभिमान ग्रुप बनविला त्यावेळचे शिक्षक वाय जी पगार बीएम कापडणीस .वी आर कापडणीस सुभाष भदाणे श्री पाठक सर पुष्पा सोनवणे मॅडम आदी सेवानिवृत्त शिक्षक प्रमुख पाहुणे होते अध्यक्षस्थान 83 वर्षाचे श्री बेडसे सर यांनी भूषविले गेल्या 47 वर्षातील प्रगतीचा प्रत्येकाने व्यक्तिगत ओळख सादर केला याप्रसंगी पुष्पा सोनवणे यांनी अत्यंत बहारदार भाषण केले मेळाव्यासाठी 55 विद्यार्थी सात शिक्षक उपस्थित होते सूत्रसंचालन सुभाष कंकरेज यांनी केले
