Yuva maratha news
माहोरा येथे तरुणाची गळफास घेऊन आत्महत्या
माहोरा/ प्रतिनिधी /मुरलीधर डहाके...सविस्तर वृत्त असे की जाफ्राबाद तालुक्यातील माहोरा येथे एका तरुणाने गळफास घेऊन आत्महत्या केल्याची घटना शनिवार २५ मे रोजी सकाळी ६ वाजेच्या सुमारास उघडकीस आली आहे. या घटनेप्रकरणी जाफ्राबाद पोलीस स्टेशनला आकस्मिक मृत्यूची नोंद करण्यात आली आहे. भागवत रमेश सुरडकर (२७,रा.मातला ता.जि.बुलढाणा) असे मयत तरुणाचे नाव आहे.
भागवत हा नऊ-दहा वर्षा पासून माहोरा येथे राहत होता. रेणुका टायर्स अँड वाशिग सेंटर येथे काम करत होता. शुक्रवारी रात्री दुकानावर तो एकटाच होता. यावेळी त्याने छताला गळफास लावून आत्महत्या केली. दरम्यान शेजारच्या नागरिकांना माहिती समजताच जाफ्राबाद पोलीस स्टेशनला माहिती दिली. पोलीस निरीक्षक प्रताप इंगळे यांच्या मागदर्शन खाली पोलिस उपनिरीक्षक सखाहरी तायडे, बीट जामदार गजानन गावंडे, पोलीस कॉन्स्टेबल संदीप भगिले, कॉन्स्टेबल संदीप गवई यांनी घटनेचा पंचनामा करून तरुणाला माहोरा येथील शासकीय रुग्णालयात दाखल केले. डॉ.काटकर यानी त्याला तपासून मृत घोषित केले. आत्महत्येचे कारण आजुन समजू शकले नाही, जाफ्राबाद पोलीस स्टेशनमध्ये आकस्मिक मृत्यूची नोंद करण्यात आली आहे. पुढील तपास बीट जामदार गजानन गावंडे करत आहे.
