Yuva maratha news
अवैध दारू विक्रीचा व्यवसाय करणाऱ्या विरुद्ध कठोर कायदा करा
अंधश्रद्धा निर्मूलन समिती मार्फत मुख्यमंत्री एकनाथ शिंदे यांना निवेदन सादर
संजीव भांबोरे
भंडारा ( जिल्हा प्रतिनिधी)अवैध दारू विक्रीचा व्यवसाय करणाऱ्या विरुद्ध कठोर कायदा करण्यात यावा. याबाबत महाराष्ट्राचे मुख्यमंत्री एकनाथ शिंदे यांना निवासी जिल्हाधिकारी स्मिता बेलपात्रे यांच्यामार्फत दिनांक 27 एप्रिल 2024 रोजी महाराष्ट्र अंधश्रद्धा निर्मूलन समिती मार्फत विष्णुदास लोणारे यांच्या नेतृत्वात निवेदन पाठविण्यात आले. पाठविण्यात आलेल्या निवेदनात अवैध दारू विक्री करणाऱ्या व्यक्ती विरुद्ध सध्या महाराष्ट्र राज्यात कायदा आहे .परंतु या कायद्यामुळे दारू विक्री करणाऱ्या व्यक्तीवर वचक बसत नाही. दबाव पडत नाही. त्यामुळे गल्लोगल्ली, खेड्यापाड्यात, खुलेआम अवैध दारू विक्रीचे व्यवसाय सुरू आहे. त्यामुळे लहान लहान मुले दारूच्या आहारी जाऊन त्यांचे कुटुंब उध्वस्त होत आहेत. लहान लहान मुलेचे जीवन बरबाद होत आहेत. मुले व्यसनाधीन होतात. दारूच्या नशेत मारामाऱ्या करून खून करण्यासारख्या घटना समाजात घडत आहेत. त्यामुळे समाजात गुन्हेगारीचे प्रमाण वाढतात ही चिंतेची बाब असून समाजासाठी व देशासाठी धोक्याची बाब आहे. म्हणून महाराष्ट्र अंधश्रद्धा निर्मूलन समिती चे बुवाबाजी विभागाचे राज्य सहकार्य वाह विष्णुदास लोणारे, नितेश बोरकर, सामाजिक कार्यकर्ता सुरज परदेशी, चंद्रशेखर खोब्रागडे , सौ .कविता लोणारे ,त्रिवेणी वासनिक, अश्विनी भिवगडे, सुषमा बनसोड, यांनी निवेदन दिले की महाराष्ट्रात सध्या असलेल्या दारूबंदी कायद्यात सुधारणा करून त्यात दारू विक्रीचा व्यवसाय करणाऱ्या व्यक्तीला पोलिसांनी पकडले कि त्या दारू विक्रेत्यानी एक लाख रुपयाची जमानत नगद किंवा सालवंशी दिल्याशिवाय सोडण्यात येऊ नये . गुन्हा सिद्ध झाल्यास त्या व्यक्तीला ,7 वर्षा पर्यंतची कठोर कारवाची शिक्षा व्हावी. आणि 2 लाख रुपये आर्थिक दंड व्हावा किंवा दोन्ही शिक्षाची तरतूद महाराष्ट्रातील दारूबंदी कायद्यात करावी. अशी मागणी निवेदनातून करण्यात आली आहे .
