आशाताई बच्छाव
चाळीसगावात तिघांकडून बांधकामाच्या लोखंडी प्लेटा जप्त
चाळीसगाव प्रतिनिधी विजय पाटील- चाळीसगाव शहर पोलीस खडकी बायपास परिरात गस्त घालत असतांना त्यांना तीन तरूण गोणपाटात काहीतरी घेऊन जात असल्याचे दिसल्याने पोलीसांनी त्यांना थांबवून झाडाझडती घेतली असता त्यांच्याकडे बांधकामाच्या 15 हजार रूपये किंमतीच्या तीन लोखंडी प्लेटा आढळून आल्या. त्या जप्त करून तिघांन ताब्यात घेण्यात आले.
चाळीसगाव शहर पोलीस निरीक्षक संदीप पाटील यांच्या मार्गदर्शनाखाली पोकॉ.विजय पाटील, पोना.राहुल सोनवणे, भूषण पाटील,ज्ञानेश्वर पाटोळे,पोना.महेंद्र पाटील,आशुतोष सोनवणे, राकेश महाजन, नाना बच्छे हे खडकी बायपास परीसरात गस्त घालत असतांना तीन तरुण त्यांचेकडील गोणपाटात काहीतरी लोखंडी वस्तु घेवुन खडकी गावाकडुन चाळीसगाव शहराकडे पायी येतांना दिसले. पोलीसांनी गोणपाटात काय आहे असे विचारले असता उडवा उडवीचे उत्तरे दिली. संशय बळावल्याने त्यांची नावे विचारली असता दंडेवालबाबा नगर, धुळे येथील राहूल खैरनार,गणेश लोखंडे रा. पळाशी ता. सोयगांव जि. औरंगाबाद ह.मु खडकी ता. चाळीसगांव व भाऊसाहेब पाटील रा- तांबोळा असे सांगितले.त्यांच्याजवळील लोखंडी प्लेटाबाबत विचारले असता उडवाउडवीची उत्तरे दिली.तिघांना ताब्यात घेऊन लोखंडी प्लेटा जप्त केल्या. तिघांच्या विरोधात कलम 124 प्रमाणे कारवाई करण्यात आली आहे.