आंशुराज पाटिल मालेगाव कार्यालय
व-हाणे सरपंचावर अपात्रेची टांगती तलवार;सरपंचपद आले धोक्यात
(राजेंद्र पाटील राऊत)
मालेगांव-संपूर्ण महाराष्ट्रभर बहुचर्चीत असलेल्या व-हाणे ग्रामपंचायतीच्या सरपंचाचे पद धोक्यात आले असून,सरपंचावर अपात्रेतीची टांगती तलवार लटकली आहे.
याबाबत सविस्तर माहिती अशी की,व-हाणे ग्रामपंचायतीने ४ आँक्टोबर २०२१ रोजी कोरम संख्या पुर्ण नसतानाही बोगस व बनावट ग्रामसभा घेऊन शासनाची दिशाभूल केली आणि पदाचा गैरवापर करुन कर्तव्यात कसूर केले म्हणून कलम ३९ नुसार सरपंच सौ.अनिता पवार यांना पदावरुन अपात्र का करण्यात येऊ नये,अशा आशयाचे पत्र पंचायत समिती मालेगांव यांनी सबंधिताना दिल्याचे समजते.तर ग्रामसेविका सुवर्णा सांळुखे यांनी याबाबत कुठलाही लेखी खुलासा सादर न केल्यामुळे आता या प्रकरणाचा निकाल काय लागतो याकडे संपूर्ण महाराष्ट्राचे लक्ष लागून राहिले आहे.