आशाताई बच्छाव
देळुबच्या घटनेचा लोहयात निषेध ;आरोपीला तात्काळ फाशीची शिक्षा देण्याची सकल मराठा समाजाची मागणी
अंबादास पाटिल पवार
लोहा / प्रतिनिधी
देळूब येथील त्या घटनेचा लोहा सकल मराठा समाज बांधवांच्या वतीने तीव्र निषेध करण्यात आला व आरोपींना फाशीची शिक्षा देण्याची मागणी निवेदनाद्वारे करण्यात आली आहे.
सकल मराठा समाज बांधवांच्या वतीने लोहा पोलिस स्टेशन येथे पोलिस निरीक्षक यांना निवेदन देण्यात आले .
पुढे निवेदनात असे नमूद केले की,
अर्धापूर तालुक्यातील देळुब येथील मतिमंद १३ वर्षीय बालिकेवर अमानुषरित्या लैंगिक अत्याचार झाला असुन आरोपी राहुल चांदोजी वाघमारे वय ३० याला अर्धापूर पोलिसांनी अटक केले आहे .
सदरील घटना ही माणुसकीला काळीमा फासणारी असुन तात्काळ आरोपीला फाशीची शिक्षा देण्यात यावी. अशा अपप्रवृत्तीच्या लोकांना वेळीच कडक शिक्षा झाली नाही तर समाजात अशाच घटना घडत राहतील त्यामुळे या आरोपीला तात्काळ फाशीची शिक्षा व्हावी अशी मागणी लोह्यातील सकल मराठा समाजाच्या वतीने पोलीस निरीक्षक लोहा यांच्याकडे निवेदनाद्वारे करण्यात आली आहे.
यावेळी माऊली पाटील पवार, विजय पाटील चव्हाण , , प्रा बाळासाहेब जाधव , नंदाजी पाटील इंगळे , भानुदास पाटील पवार , केशव पाटील पवार , निळकंठ वडजे , बालाजी नळगे , गोपाळ जाधव आदी उपस्थित होते