आशाताई बच्छाव
वर्ग मित्रांचा गेट-टुगेदर कार्यक्रम उत्साहात संपन्न
अंबादास पाटिल पवार लोहा,(प्रतिनिधी)
लोहा येथील श्री संत गाडगे महाराज विद्यालयातील १९९०-९१मध्ये इयत्ता दहावी ‘अ’ ‘ब’ ‘क’मध्ये शिकलेले सर्व मित्रमंडळी फेसबुक आणि व्हॉटसअपच्या माध्यमातून एकमेकांच्या संपर्कात आले आणि नांदेड येथे (दि.१८) जुन रोजी गेट-टुगेदर कार्यक्रम अतिशय उत्साहात संपन्न झाला.
सदरील गेट-टुगेदर कार्यक्रम निमित्ताने सर्वांना एकत्र आणण्याचं काम नारायण गोणे ,किरन महाजन ,कैलास अमिलकंठवार ,लक्ष्मण कांजले, विकास देबडवार या मित्राने केलं. सर्वजण मनापासून तयारीला लागले. सांस्कृतिक कार्यक्रमासह जेवण-खाण्यापर्यंत सर्व गोष्टींचे नीट नियोजन केले.तेहतिस वर्षांच्या प्रदीर्घ प्रतिक्षेनंतर प्रत्यक्ष (दि.१८) जुन रोजी हौटेल पद्मावती ग्रँड मालेगाव रोड नांदेड येथे अतिशय आनंदी उत्साहपुर्ण वातावरणात कार्यक्रम संपन्न झाला. प्रथमतः कार्यक्रमाची सुरूवात दिप प्रज्वलन व सरस्वती पूजनाने झाली.रांगोळीने तर सर्वांचे लक्ष वेधून घेतले.प्रसंगी कार्यक्रम मैत्री या विषयावर बालाजी सोनवळे व कल्पना चव्हाण यांनी मनोगत व्यक्त केले.
सदरील बॅचचे वैशिष्ट्य म्हणजे अतिशय हुशार विद्यार्थ्याची बॅच. शिवाय वर्ग खेळ, सांस्कृतिक कार्यक्रम सर्वात अग्रेसर होता असे सर्वानी जुन्या आठवणी आणि बालपणीचे किस्से सांगत माजी विद्यार्थ्यांनी आपलं मनोगत व्यक्त केलं.
कार्यक्रम यशस्वीतेसाठी मोहन पवार, डाँ. सचिन दळवे,दिनेश मोठे,आप्पाराव पवार,संगीता चुडावकर ,वंदना दमकोंडवार ,उषा धुळगंडे,पद्मजा शिंदे,कल्पना चव्हाण, सुभाष डिकळे, मधुकर तेलंग,प्रबता पवार, जोतीबा पवार यांनी विशेष परिश्रम घेतले.
कार्यक्रमाचे प्रास्ताविक लक्ष्मण कांजले यांनी तर सूत्रसंचलन माधव फुलवळे यांनी केले.
