राजेंद्र पाटील राऊत
मालेगांवात माहिती अधिकाराचा गैरवापर शिक्षक बांधव त्रस्त आंदोलनाचा दिला इशारा मालेगांव,(विजय चांदणे प्रतिनिधी) -मालेगांव शहर व परिसरातील शासनमान्य शाळा व वर्ग तुकडयांना माहितीचा अधिकार वापरुन शासकीय अधिकाऱ्यांना धमकावून वेठीस धरण्यासोबतच शाळा व्यवस्थापनाकडे आणि शासन स्तरावर वारंवार माहिती अधिकाराचा गैरवापर करुन शिक्षक बांधवाना त्रस्त करणाऱ्याविरुध्द प्रसिध्दी पत्रकाव्दारे तक्रार करण्यात आली आहे. याबाबत प्रसिध्दीस दिलेल्या पत्रकात म्हटले आहे की,आय.एस.टी.एफ.ह्या माध्यमिक संघटनेचा तथाकथित सेक्रेटरी गुफरान अन्सारी व त्याचे सहकारी हे गेल्या दोन वर्षापासून चुकीचे माहिती अधिकार वापरुन मालेगांव शहर व परिसरातील मराठी आणि उर्दू माध्यंमाच्या शाळेतील शिक्षकांना मानसिक त्रास देण्याबरोबरच छळवाद सुरु केला आहे.त्यामुळे गेल्या दहा ते बारा वर्षापासून सदरच्या शाळांवर विनावेतन काम करणाऱ्या शिक्षकांना आता कुठे २०/.टक्के पगार सुरु होण्या अगोदरच सदर शिक्षकांच्या हितासाठी कार्यरत असल्याच्या नावाखाली चालणाऱ्या या संघटनेकडून मात्र माहिती अधिकाराचा गैरवापर करण्यात येऊन शिक्षकांना वेठीस धरले जात आहे.त्यामुळे आज अनेक शिक्षक बांधव प्रचंड मानसिक तणावात जीवन जगत असून,कुणाच्या जीवाचे बरे वाईट झाल्यास त्याची नैतिक जबाबदारी आय.एस.टी.एफ.संघटनेचीच असणार असल्याची ठाम भुमिका शिक्षक कर्मचाऱ्यांनी घेतलेली असून,सदर माहिती अधिकार कायद्याचा गैरवापर करणाऱ्या आय.एस.टी.एफ.संघटना व पदाधिका-यांविरोधात १५ ते २० शाळातील शिक्षकांनी महाराष्ट्र राज्य खाजगी शिक्षक संघटना व मराठा सेवा संघ जिजाऊ ब्रिग्रेडकडे तक्रारी करुन लवकरच तीव्र स्वरुपाच्या आंदोलनाचा इशारा असंख्य शिक्षकांसह वरील दोघाही संघटनानी प्रसिध्दी पत्रकातून दिला आहे.