आशाताई बच्छाव
‘मराठा-कुणबी’ युवकांसाठी यश कॉम्प्युटर्स सटाणा येथे मोफत संगणक प्रशिक्षण कार्यक्रम;सारथी व एमकेसीएल चा पुढाकार
मनोहर देवरे (प्रतिनिधी युवा मराठा न्यूज नेटवर्क)
मराठा-कुणबी युवक-युवतींना रोजगारभिमुख प्रशिक्षण मिळण्यासाठी ‘सारथी’ व ‘एमकेसीएल’ यांच्या माध्यमातुन सीएसएमएस-डीईईसी (छत्रपती संभाजी महाराज सारथी युवा व्यक्तिमत्व विकास व संगणक मोफत अभ्यासक्रम) राबविण्यात येत आहे. यासाठी ऑनलाईन www.mkcl.org/csmsdeep या संकेत स्थळावर किंवा यश कॉम्प्युटर्स सटाणा यांच्याकडे २७ जानेवारी २०२३ च्या आत नाव नोंदणी करावी, असे आवाहन एमकेसीएलचे जिल्हा समन्वयक श्री. सुभाष पाटील, मकरंद बेळगावकर यांनी केले आहे.
छत्रपती शाहू महाराज संशोधन प्रशिक्षण व मानव विकास संस्था (सारथी) व महाराष्ट्र ज्ञान मंडळ (एमकेसीएल) यांच्याद्वारे हा अभ्यासक्रम महाराष्ट्रभर राबविण्यात येत आहे. मराठा, कुणबी, कुणबी-मराठा आणि मराठ-कुणबी समाजातील युवक-युवतींसाठी हा अभ्यासक्रम मोफत आहे. सहा महिन्यांचा हा अभ्यासक्रम असुन १० हजार युवक-युवतींना मोफत प्रशिक्षण देण्यात येणार आहे. हे प्रशिक्षण एमकेसीएलच्या यश कॉम्प्युटर्स, सटाणा कोर्टा समोर, नेहरु रोड, सटाणा केंद्रामार्फत दिले जाईल. १६ जानेवारीपासुन नोंदणी सुरु झाली आहे. ऑनलाईन नोंदणी झालेल्या उमेदवारांची छाननी होऊन ती संकेतस्थळावर प्रसिध्द होणार आहे.
हे प्रशिक्षण १ फेब्रुवारीपासुन सुरु होत आहे. सरकारच्या माध्यमातुन या समाजातील युवकांसाठी विविध उपक्रम राबविले जातात. स्वयंरोजगार क्षमता वाढविणे, त्यांच्या कौशल्याची कमतरता भरुन काढणे या उद्देशाने या उपक्रमाचे आयोजन केले आहे. विशिष्ठ डिजिटल कौशल्ये आणि सॉफ्ट स्किल्स यावर प्रभुत्व मिळवुन स्थानिक आणि जागतिक डिजिटल अर्थव्यवस्थेतील संधीसाठी तरुणांना विकसित केले जाणार आहे. या अभ्यासक्रमात प्रत्येकी १२० तासांचे ४ मॉड्युल असतील. कार्यक्रम कालावधी ४८० तासांचा असुन सहा महिन्यांमध्ये हा कार्यक्रम मोफत पुर्ण करणार आहे.
| आगामी काळात त्याचा चांगला फायदा युवक युवतींना होणार आहे. जास्तीत जास्त पात्र उमेदवारांनी या योजनेचा लाभा घ्याव असे आवाहन यश कॉम्प्युटर्स संचालक योगेश आहिरे यांनी केले आहे.
आवश्यक पात्रता :
उमेदवाराचे वय १८ ते ४५
दहावी पास
पालकांचे उत्पन्न ८ लाखांपेक्षा कमी
महाराष्ट्रातील रहिवासी.
