आशाताई बच्छाव
पुणे मनसेचे जिल्हाध्यक्ष समीर थिगळे यांच्यावर गोळीबार, पोलिसांकडून हल्लेखोराचा शोध सुरू
भास्कर देवरे (युवा मराठा न्युज नेटवर्क)
महाराष्ट्र नवनिर्माण सेनेचे जिल्हाध्यक्ष समीर थिगळे यांच्यावर शनिवारी रात्री पिस्तुलातून गोळीबार करण्यात आल्याची घटना खेड तालुक्यातील रकस्थळ गावात घडली. थिगळे यांच्यावर गोळीबार करून पसार झालेल्या शोध घेण्यात येत आहे.
या प्रकरणी खेड पोलीस ठाण्यात एका हल्लेखोराविरोधात गुन्हा दाखल करण्यात आला आहे. थिगळे शनिवारी रात्री रकस्थळ गावात घरासमोर थांबले होते. त्यावेळी एक हल्लेखोर तेथे आला. ‘तुला माज आला आहे. एकाला संपवलाय, आज तुलाही संपवतो,’ असे म्हणून हल्लेखोराने थिगळे यांच्यावर पिस्तूल रोखले. हल्लेखोराने त्यांच्याकडे पैशांची मागणी केली. हल्लेखोराने थिगळे यांच्यावर पिस्तुलातून गोळीबार केला. मात्र, गोळी न सुटल्याने थिगळे बचावले. त्यानंतर हल्लेखोराने पिस्तुलातून हवेत गोळीबार करून दहशत माजविली. हल्लेखोर पसार झाला. गोळीबाराच्या आवाजामुळे परिसरात घबराट उडाली. पसार झालेल्या हल्लेखोराचा पोलिसांकडून शोध घेण्यात येत आहे.
