आशाताई बच्छाव
अर्पणा पोळ आदर्श मुख्याध्यापिका पुरस्काराने सन्मानित
पेठ वडगाव राहुल शिंदे: इंग्लिश मीडियम स्कूल असोशियन( इम्सा) च्या वतीने कोल्हापूर गणेश गडकरी हॉल येथे अर्पणा महेश पोळ यांना आदर्श मुख्याध्यापिका म्हणून आमदार जयंत आसगावकर यांच्या हस्ते सन्मानित करण्यात आले.कोल्हापूर जिल्ह्यामध्ये400 हून अधिक इंग्रजी माध्यमाच्या शाळा असून,
सहा हजारांहून अधिक शिक्षक कार्यरत आहेत.यातील गुणवंतांना आदर्श शिक्षक तसेच आदर्श मुख्याध्यापक पुरस्काराने सन्मानित करण्यात आले आहे.अर्पणा पोळ ह्या पेठ वडगाव मधील जिनिअस इंग्लिश मीडियम स्कूलच्या मुख्याध्यापिका म्हणून 20 वर्षा पासून काम पाहत आहेत.या कार्यक्रमाच्या अध्यक्षस्थानी आमदार जयंत आसगावकर होते, प्रमुख वक्ते शिक्षण तज्ञ डॉक्टर बी एम हिर्डेकर, माध्यमिक शिक्षणाधिकारी एकनाथ आंबोकर, व प्राथमिक शिक्षणाधिकारी आशा उबाळे यांच्या हस्ते शिक्षकांना पुरस्कार प्रदान करण्यात आले.यावेळी उपस्थित इम्साचे अध्यक्ष गणेश नायकुडे, नितीन पाटील, महेश पोळ, विल्सन वास्कर, सचिन नाईक, के. डी. पाटील, एन. एन. काझी आदी उपस्थित होते.
