आशाताई बच्छाव
गजानन माध्यमिक विद्यालय तडखेल ता. देगलूर येथे मानव विकास मिशन अंतर्गत विद्यार्थ्यांना सायकलीचे वाटप.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
देगलुर:-गजानन माध्यमिक विद्यालय तडखेल या शाळेत दिनांक १५-०६-२०२२ रोजी मानव विकास मिशन अंतर्गत माननीय गटविकास अधिकारी श्री शेखर देशमुख तसेच गटशिक्षणाधिकारी श्री जाधव सर पंचायत समिती देगलूर यांच्या हस्ते ३८ मुलींना सायकलीचे वाटप करण्यात आले. विद्यार्थ्यांना आजचा शाळेचा पहिला दिवस असल्यामुळे विद्यार्थ्यांना शालेय पुस्तकाचे वाटप करण्यात आले.
गजानन माध्यमिक विद्यालय तडखेल या शाळेत तडखेल तांडा,अल्लापुर, लोणाळ,उंद्री,चोंडी या गावाहून विद्यार्थी शाळेत येत असतात.या गावातून मानव विकास परिवहन मंडळाची बस सेवा नसल्यामुळे विद्यार्थ्यांना मानव विकास मिशन अंतर्गत विद्यार्थ्यांना येणे-जाणे करण्याकरिता शासनाकडून सन २०२२ करिता ३८ मुलींना सायकलींचे वाटप करण्यात आले,
यावेळी गटविकास अधिकारी श्री शेखर देशमुख, गटशिक्षणाधिकारी श्री जाधव सर, पांचारे सर,मठपती सर शाळेचे मु.अ शिक्षक व शिक्षकेतर कर्मचारी, विद्यार्थी व विद्यार्थिनी उपस्थित होते, सर्वांचे आभार भोसले सरांनी व्यक्त केले.
