राजेंद्र पाटील राऊत
जिल्हा परिषद प्राथमिक शाळा उन्द्री (प.दे.) येथे केंद्रस्तरीय सेवापूर्ती गौरव सोहळा संपन्न.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
जिल्हा परिषद प्राथमिक शाळा उंद्री प.दे. येथे आदरणीय श्री व्यंकटराव विठ्ठलराव माकणे सर गटशिक्षणाधिकारी पंचायत समिती मुखेड यांचा सेवापूर्ती समारंभ आयोजित करण्यात आला होता. रोजच्या आयुष्यात खूप माणसे येतात अन
जातात त्यातील काही मात्र कायमची मनात राहतात. जी खूप काही शिकवून जातात… खरंच आपल्या सारखी माणसे कायमची स्मरणात राहतात….
केंद्रस्तरीय सत्कार सोहळ्याची सुरुवात क्रांतीज्योती सावित्रीबाई फुले यांच्या प्रतिमेचे पूजन करून करण्यात आले. कार्यक्रमाचे अध्यक्ष श्री. माधवराव पाटील वडजे होते तर प्रमुख पाहुणे म्हणून नव्याने रुजू झालेले श्री जाधव साहेब गटशिक्षणाधिकारी मुखेड यांचा सत्कारही यावेळी करण्यात आला. तसेच कार्यक्रमासाठी केंद्र अंतर्गत सर्व पदोन्नत मुख्याध्यापक सर्व शाळेचे शिक्षक,शिक्षिका, शालेय व्यवस्थापन समिती अध्यक्ष, उपाध्यक्ष, सदस्य ,पत्रकार आदींसह गावातील प्रतिष्ठित नागरिक मोठ्या संखेने उपस्थित होते. कार्यक्रमाचे सूत्रसंचालन श्री कोंदापुरे सर व आभारप्रदर्शन केंद्रस्तरीय मुख्याध्यापक सौ. कुलकर्णी मॅडम यांनी केले.
