राजेंद्र पाटील राऊत
ठेंगोडा येथे आज पोलिस
अधिकाऱ्यांचा नागरी सत्कार
(गणेश पगारे युवा मराठा न्युज)
ठेंगोडा-सटाणा तालुक्यातल्या ठेंगोडा गावी आज नाशिकचे पोलिस आयुक्त व ए.सी.पी.या पोलिस अधिकाऱ्यांच्या नागरी सत्काराचे आयोजन करण्यात आले असल्याची माहिती ठेंगोडयाचे सरपंच सौ.चिंधाताई पगारे व उपसरपंच नारायण निकम यांनी दिली.
ठेंगोडा येथील सिध्दीविनायक गणेश मंदिराच्या प्रांगणात हा सत्कार सोहळ्याचा कार्यक्रम आयोजीत करण्यात आला आहे,नाशिकचे पोलिस आयुक्त दिपक पांडे आणि वसंत मोरे ए. सी.पी.यांनी पोलिस क्षेत्रात कार्यरत राहूनही विधायक व सामाजिक कार्यात मोठे योगदान दिलेले असून,त्याशिवाय आपल्या पोलिस सेवेचा कर्तृत्व कर्तबगारीचा ठसा जनसामान्यांमध्ये उमटविलेला असल्याने,त्यानिमिताने या नागरी सत्कार सोहळ्यांचे आयोजन करण्यात आलेले आहे.या कार्यक्रमास नागरिकांनी बहुसंख्येने उपस्थित राहण्याचे आवाहन सरपंच सौ.पगारे व उपसरपंच निकम यांनी केले आहे.
