राजेंद्र पाटील राऊत
राज्य तलाठी संघाच्या कार्यकारिणीवर उदयकुमार मिसाळे
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
नांदेड जिल्हा तलाठी संघाच्या नूतन कार्यकारिणी ची बैठक दि ९ आॅक्टोंबर रोजी जिल्हाध्यक्ष एन. जी.कानगुले यांच्या अध्यक्षतेखाली घेण्यात आलेल्या बैठकीत महाराष्ट्र राज्य तलाठी संघाच्या राज्य कार्यकारणीवर उदयकुमार मिसाळे यांची बिनविरोध निवड करण्यात आली.
निवडीनंतर झालेल्या बैठकीत तलाठी,मंडळ अधिकारी यांच्या अडीअडचणी विषयी चर्चा करुन संघटनेच्या पुढील वाटचालीची दिशा ठरविण्यात आली आणि आगामी काळात होणा-या महाराष्ट्र राज्य तलाठी संघाच्या राज्याधक्ष पदासाठी होणाऱ्या निवडणुकीत राज्य कार्यकारिणीवर नांदेड जिल्ह्यातून प्रतिनिधी म्हणून उदयकुमार मिसाळे यांची बिनविरोध निवड करण्यात आली. या पुर्वीही उदयकुमार मिसाळे यांनी जिल्हा सचिव पदाची धुरा सांभाळुन तलाठी, मंडळाधिकारी यांच्या अडचणी सोडविल्या आहेत.
त्यांच्या निवडीबद्दल जिल्ह्यातील तलाठी संघाचे तालुका अध्यक्ष मुखेडचे ज्ञानेश्वर रातोळीकर ,कंधारचे
औदुंबर वाडीकर, धर्माबादचे बी.जी.कदम, अर्धापुरचे लक्ष्मण देशमुख, देगलुरचे बालाजी पुष्पलवार ,उमरीचे नारायण गाजेवार, मुदखेडचे बालाजी कुऱ्हाडे,माहुरचे
तानाजी सुगावे,नायगावचे विजय जाधव,नांदेडचे प्रदीप उबाळे,लोह्याचे मारोती कदम ,हिमायत नगरचे रामचंद्र पुरी,किनवटचे अंकुर सकवान आदी सह अनेकांनी अभिनंदन करून पुढील कार्यासाठी शुभेच्छा दिल्या.