राजेंद्र पाटील राऊत
पेठ वडगांव येथील सुयश लॅब वर आरोग्य अधिकाऱ्याची धाड – कोल्हापूर (राहुल शिंदे ब्युरो चीफ युवा मराठा न्युज नेटवर्क )-पेठ वडगांव येथील हातकणंगले रोडवर असणारे सुयश लॅब च्या माध्यमातून रूग्णांना शुगर चे चुकीचे रिपोर्ट देत असलेचे व त्यामुळे रुग्णावर उपचार ही चुकीच्या पद्धतीने होत असलेचे भारतीय जनता पार्टी अल्पसंख्याक मोर्चा चे जिल्हा सरचिटणीस तय्यब कुरेशी यांनी नुकतेच उघडकीस आणत सुयश लॅब चा भोंगळ कारभार उघड केला व तालुका आरोग्य अधिकारी डॉ.उत्तम मदने यांना पुरावे देऊन निवेदनाद्वारे सुयश लॅब वर चौकशी करून कारवाई करण्याची मागणी केली होती.तसेच वडगांव शहरात चुकीचे रिपोर्ट देणाऱ्यावर कारवाई करण्याची मागणी नागरिकांमद्दे जोर धरू लागली होती
त्यानुसार आज आरोग्य विभागाचे तालुका आरोग्य अधिकारी डॉ उत्तम मदने यांनी याची तात्काळ गंभीर दखल घेत पेठ वडगांव येथील सुयश लॅब वर अचानक धाड टाकत लॅब ची तपासणी करत सर्व रिपोर्टची तपासणी केली व कर्मचाऱ्यांची कसून चौकशी करत प्रश्नांचा भडीमार केला .यावेळी डॉ उत्तम मदने यांनी लॅबची सखोल चौकशी करून दोषी आढळून आल्यास कडक कारवाई करण्यात येणार असल्याचे सांगितले .
यावेळी भाजपा अल्पसंख्याक मोर्चाचे जिल्हा सरचिटणीस तय्यब कुरेशी ,राजू वायदंडे,जावेद सय्यद, प्रसाद रावळ राहील पटवेगार व अन्य कार्यकर्ते उपस्थित होते