राजेंद्र पाटील राऊत
🛑 रानबाजीरे आदिवासीवाडी येथील महिलांसाठी सॅनिटरी पॅड वाटप उपक्रम 🛑
✍️ रायगड 🙁 विजय पवार महाराष्ट्र प्रतिनिधी युवा मराठा न्युज )
रायगड:⭕दिनांक ११/०५/२१ रोजी सद्गुरु सेवा प्रतिष्ठान, पुणे आणि धैर्य सामाजिक संस्था, ठाणे यांच्या संयुक्त विद्यमाने पोलादपूर तालुक्यातील रानबाजीरे आदिवासी वाडी येथील सर्व आदिवासी महिलांसाठी मोफत सॅनिटरी पॅड वाटप उपक्रम राबविण्यात आला.
या उपक्रमासाठी स्वदेस फाउंडेशन च्या आरोग्य विभाग कर्मचारी जूलेखा शेख, स्वदेस मित्र विमल सावंत, धैर्य सामाजिक संस्था अध्यक्ष ओंकार उतेकर उपस्थित होते. मासिक पाळी च्या दिवसांत स्वच्छता तसेच सॅनिटरी पॅड चा वापर आणि योग्य विल्हेवाट याबाबत जूलेखा शेख यांनी महिलांचे मार्गदर्शन केले.
विमल सावंत यांनी सर्व महिलांना एका ठिकाणी जमवून सामाजिक अंतराचे पालन करण्यास आणि सॅनिटरी पॅड वाटप करण्यास मदत केली. या उपक्रमाचा एकूण ४५ आदिवासी कुमारीका आणि महिलांना लाभ मिळाला. या उपक्रमासाठी सद्गुरु सेवा प्रतिष्ठान, पुणे चे अध्यक्ष श्री सचिन म्हसे यांनी पुढाकार घेऊन रानबाजीरे गावातील आदिवासी महिलांसाठी देणगी स्वरूपात मदत केली. ⭕