राजेंद्र पाटील राऊत
तळवाडे सरपंचपदी अहिल्याबाई जाधव तर
उपसरपंचपदी प्रमोद (पप्पू) कदम बिनविरोध
(निंबा जाधव युवा मराठा न्युज नेटवर्क)
तळवाडे-मालेगांव तालुक्यातल्या राजकीयदृष्टया महत्त्वपुर्ण समजल्या जाणाऱ्या तळवाडे ग्रामपंचायतीवर शिवसेनेने आपले यश कायम राखले असून,येथील सरपंच उपसरपंच पदाची निवडणूक बिनविरोध पार पडली आहे.
ग्रामपंचायतीच्या सरपंचपदी अहिल्याबाई साहेबराव जाधव तर उपसरपंचपदी प्रमोद (पप्पू) शंकर कदम यांची बिनविरोध निवड करण्यात आली.निवडणूक निर्णय अधिकारी म्हणून संजय महाले यांनी काम पाहिले तर ग्रामसेवक साहेबराव कोर यांनी सहाय्यक म्हणून आपली भुमिका बजावली.यावेळी तळवाडे ग्रामस्थ बहुसंख्येने उपस्थित होते.नवनिर्वाचीत सरपंच व उपसरपंचाचा सत्कार व अभिनंदनाचा कार्यक्रम यावेळी ग्रामस्थांनी केला.
