Home मुंबई 🛑 साष्ट पिंपळगाव येथील ठिय्या आंदोलनात मुंबई मराठा क्रांती मोर्चाचा सहभाग आणि...

मुंबई

🛑 साष्ट पिंपळगाव येथील ठिय्या आंदोलनात मुंबई मराठा क्रांती मोर्चाचा सहभाग आणि पाठिंबा 🛑

January 21, 2021

राजेंद्र पाटील राऊत

🛑 साष्ट पिंपळगाव येथील ठिय्या आंदोलनात मुंबई मराठा क्रांती मोर्चाचा सहभाग आणि पाठिंबा 🛑
✍️ जालना 🙁 विजय पवार महाराष्ट्र प्रतिनिधी युवा मराठा न्युज )

पिंपळगाव :⭕मराठा आरक्षणाची सुनावणी २५ जानेवारीपासून सुरू होणार असल्याने सदरच्या सुनावणीत मराठा आरक्षण कायद्याला दगाफटका होऊ नये व आरक्षण मिळेपर्यंत हटायचे नाही या निर्धाराने जालना जिल्ह्यातील साष्ट पिंपळगाव येथील ग्रामस्थ आजपासून ठिय्या आंदोलनाला बसले. सदरच्या आंदोलनाला समर्थन देण्यासाठी व त्यात सहभागी होण्यासाठी राज्यातून अनेक जिल्ह्यातील मराठा समन्वयक आले होते.

इतिहासातील प्रसिद्ध राक्षसभुवन येथील लढाई जेथे झाली तेथील साष्ट पिंपळगाव हे गाव मराठा आरक्षण टिकवण्यासाठी एकजुटीने पुढे सरसावल्याचे चित्र आज उभे राहिले. मोठ्या प्रमाणात गावातील महिलांनी आंदोलनात सहभाग घेतला असून तेथील गावकऱ्यांच्या हाकेला ओ देऊन महाराष्ट्रातील अनेक जिल्ह्यातील समन्वयक आंदोलनाची सुरुवात करण्यासाठी हजर राहिले होते. त्यासाठी

मुंबई मराठा क्रांती मोर्चातर्फे प्रमुख समन्वयक श्री. राजन घाग, श्री. प्रफुल्ल पवार, श्री. रुपेश मांजरेकर, श्री.नामदेव पवार, श्री. विजय पोळ, श्री. किशोर चव्हाण, राखीताई, श्री. माधव तांगडे त्यांच्या अनेक सहकाऱ्यांसह उपस्थित राहिले होते.

साष्ट पिंपळगाव येथील ग्रामस्थांनी याप्रसंगी जोपर्यंत आरक्षण मिळणार नाही तोपर्यंत सदरचे आंदोलन चालू ठेवण्याचा निर्धार व्यक्त केला. या आंदोलनाचे लोण लवकरच सर्व महाराष्ट्रात पेटण्याच्या शक्यतेने आज सरकारने २५ जानेवारीला सुरू होणारी सुनावणी पुढे ढकलण्याचा प्रयत्न केल्याचेही समजते.

या आंदोलनामुळे सरकारवर दबाव निर्माण झाल्याने सरकार आता पुढे काय पावले उचलणार हे पाहणे महत्त्वाचे ठरेल….⭕

Post Views: 204