राजेंद्र पाटील राऊत
छ. शिवाजी महाराज चौक मंडळाच्या वतीने शिवप्रताप दिन साजरा
कोल्हापूर : छत्रपती शिवाजी महाराज चौक तरुण मंडळाच्या वतीने शिवप्रताप दिन साजरा करतांना कार्यकर्ते,
मार्गशीर्ष शुक्ल पक्ष ७ या दिवशी छत्रपती शिवाजी महाराज यांनी अफझलखानाचा वध केला. याला २१ डिसेंबर या दिवशी ३५२ वर्षे पूर्ण झाली. हा दिवस शिवप्रताप दिन म्हणून ओळखला जातो. या दिनाच्या निमित्ताने शिवप्रेमींनी ठिकठिकाणी शिवप्रतापाचा जागर केला.
करवीर तालुक्यातील छत्रपती शिवाजी महाराज चौक तरुण मंडळाच्या वतीने छत्रपती शिवाजी महाराज यांच्या पुतळ्यास दुग्धाभिषेक करण्यात आला. या वेळी तेथील परिसर आकर्षक रांगोळ्या आणि फुले यांनी सजवण्यात आला होता.
छत्रपती शिवाजी चौकाची गेल्या २० वर्षांपासून स्वच्छता करणार्या स्वच्छता कर्मचारी मीना रमेश रुईकर यांचा याप्रसंगी सत्कार करण्यात आला. सायंकाळी युद्धकलांची प्रात्यक्षिके सादर करण्यात आली. साखर-पेढे वाटून आनंदोत्सव साजरा करण्यात आला. या वेळी शिवसेनेचे श्री. किशोर घाटगे, हिंदु महासभेचे जिल्हाध्यक्ष श्री. मनोहर सोरप, सर्वश्री संभाजी साळुंखे, उदय भोसले, अवधूत भाट्ये, अमोल माने यांसह अन्य उपस्थित होते.
युवा मराठा न्यूज नेटवर्क .