🔴 जालना जिल्ह्यात सूक्ष्म सिंचन घोटाळे उघडकीस.. चौकशांना सुरुवात.. संबंधित दोषींवर कडक कारवाई करण्याचे कृषिमंत्री दादाजी भुसे यांचे निर्देश

राजेंद्र पाटीराजेंल राऊत

🔴 जालना जिल्ह्यात सूक्ष्म सिंचन घोटाळे उघडकीस..
चौकशांना सुरुवात..
संबंधित दोषींवर कडक कारवाई करण्याचे कृषिमंत्री दादाजी भुसे यांचे निर्देश

◼️ सविस्तर-  (युवा मराठा न्युज नेटवर्क)
जालना जिल्ह्यातील सूक्ष्म सिंचन योजना घोटाळा प्रकरणी व होत असलेल्या गैर व्यवहाराप्रकरणी कृषिमंत्री दादाजी भुसे यांना दूरध्वनीद्वारे व पत्रव्यवहाराद्वारे ही माहिती समजली होती. तसेच जालना वृत्तपत्रात देखील याविषयी उल्लेख करण्यात आले होते. या प्रकरणांची गंभीर दखल घेत घोटाळ्याचा छडा लावण्यासाठी राज्याचे कृषी मंत्री यांनी जालना येथील जिल्हा कृषी अधिक्षक यांचे कार्यालय गाठले. त्यांच्याशी चर्चा-विनिमय करून संपूर्ण प्रकरण जाणून घेतले. त्याचदरम्यान त्यांनी कृषी विभागाचे सचिव व आयुक्त यांच्याशी दूरध्वनी संपर्क करून घोटाळ्याप्रकरणी तातडीने दखल घेण्याचे निर्देश दिले.

ह्याप्रकरणी शहानिशा करताना, मोठ्या प्रमाणात गैरव्यवहार झाल्याचे समोर आले आहे. यापैकी काही घोटाळ्यांची प्राथमिक चौकशी झाली असून, आता नव्याने समोर आलेल्या आणखी काही घोटाळ्यांची सचिव आणि आयुक्त चौकशी समिती नेमून ठराविक काळामध्ये चौकशी पूर्ण करतील.
या वरिष्ठांनी दिलेल्या अहवालानंतर संबंधितांवर कठोर कारवाई करण्यात येईल, अशी माहिती *कृषीमंत्री दादा भुसे* यांनी शुक्रवारी दिली.

⚫ काय आहेत घोटाळे- 👇

प्रधानमंत्री सिंचन योजना व सूक्ष्म सिंचन योजनेअंतर्गत केंद्राचा 60 टक्के वाटा आणि राज्याचा 40 टक्के वाटा असा एकूण शंभर टक्के, तर नानाजी देशमुख सिंचन योजनेअंतर्गत राज्याचा संपुर्ण 100 टक्के लाभ हा शेतकऱ्यांना सिंचन योजनेसाठी दिला जातो. मात्र, हे लाभ देत असताना यामध्ये अनेक गैरव्यवहार झाल्याचे प्रथमदर्शनी समोर आले आहे. त्यामध्ये विशेषतः भोकरदन तालुक्यातील अनेक गैरव्यवहार आहेत.

▪️त्यातीलच एक गैरव्यवहार हिसोडा येथील आहे. याठिकाणी योजनेचा लाभ घेतलेल्या व्यक्तीने जो ७/१२ उतारा प्रस्तावासोबत जोडलेला होता त्याची शहानिशा केल्यावर त्या व्यक्तीच्या नावे शेतीच नाही असे लक्षात आले त्याचप्रमाणे सदर ७/१२ उताऱ्यावर तलाठी यांची देखील सही खोटी आढळून आली. यासारखे एकसमान अनेक प्रकरणे उघडकीस आले आहेत, या सर्व प्रकरणाची चौकशी करणार असून दोषींवर कडक कार्यवाही करण्यात येईल.

▪️यापूर्वी देखील अशी अनेक प्रकरणे समोर आली आहेत. जिओ टॅगिंग करतांना संगणकाच्या माध्यमातुन छायाचित्रात बदल करणे यामुळे शासनाची फसवणूक करण्यात आल्याचे समोर आले आहे. एवढेच नव्हे तर दोन शेतकऱ्यांच्या अशाही तक्रारी आल्या आहेत, की त्यांनी या योजनेचा लाभ घेतलाच नाही. मात्र, त्यांच्या खात्यावर या योजनेचे पैसेही जमा झाले आणि ते परस्पर उचललेही गेले आहेत.

▪️अशा गंभीर प्रकरणांची चौकशी लवकरच सुरू होणार असून कोणसही पाठीशी घातले जाणार नसल्याचेही कृषीमंत्री दादाजी भुसे यांनी सांगितले.