*शहीद सचिन जाधव यांच्यावर* *शोकाकुल वातावरणात अंतिम* *संस्कार*
*कोल्हापूर (मोहन शिंदे ब्युरोचिफ युवा मराठा न्युज )*
शहीद नायक सचिन जाधव यांच्यावर शासकीय इतमामात अंत्य संस्कार राज्याचे सहकार मंत्री तथा पालकमंत्री बाळासाहेब पाटील आणि गृहराज्य मंत्री शंभूराज देसाई यांनी अंत्य दर्शन घेऊन वाहिली आदरांजली , पुष्पचक्र अर्पण.
सातारा जिल्ह्यातील दुसाळे ता . पाटण येथील शहीद नायक सचिन संभाजी जाधव यांच्यावर शासकीय इतमामत आज अंतीम संस्कार करण्यात आले यावेळी त्यांना मानवंदना दिली . शासनाच्या वतिने राज्याचे सहकार मंत्री तथा जिल्ह्याचे पालकमंत्री बाळासाहेब पाटील , गृहराज्य मंत्री शंभूराज देसाई यांनी पुष्प चक्र अर्पण करून आदरांजली वाहिली . यावेळी जिल्हा पोलीस अधिक्षक तेजस्वी सातपुते , पाटणचे उपविभागीय अधिकारी श्रीरंग तांबे जिल्हा सैनिक कल्याण अधिकारी विजयकुमार पाटील , पाटणचे तहसीलदार समीर यादव यांनीही आदरांजली वाहिली . सातारा जिल्ह्यातील 111 इंजिनियर रेजिमेंटचे नायक सचिन संभाजी जाधव यांना दि . 16 सप्टेंबर 2020 रोजी सैन्यामध्ये सेवा बजावताना
वीरमरण प्राप्त झाले होते . दुसाळे गावातून सजवलेल्या वाहनातून त्यांची अंत्य यात्रा काढण्यात आली . कोरोनाच्या पार्श्वभूमीवर सर्व ते नियम पाळून ग्रामस्थांनी आपल्या शूर भूमिपुत्राचे अतिशय शोकाकुल वातावरणात शेवटचे दर्शन घेतले .
