Home Breaking News *रायगड जिल्ह्यात पाच मजली इमारत कोसळली*

*रायगड जिल्ह्यात पाच मजली इमारत कोसळली*

99
0

*रायगड जिल्ह्यात पाच मजली इमारत कोसळली*

*कोल्हापूर (मोहन शिंदे ब्युरोचिफ युवा मराठा न्युज )*

रायगड जिल्ह्यातील मुंबई गोवा हायवे लगत असलेले महाड तालुक्यातील साळीवाडा नाका येथील हापूस तलावाजवळील पाच मजली इमारत कोसळली. महाड शहरातील काजळपुरा परिसरात निवासी इमारत पत्त्यासारखी कोसळली आहे. ही दुर्घटना काल संध्याकाळी साडेसहाच्या सुमारास घडली आहे. घटनास्थळी नागरिकांची मोठी गर्दी झाली असून बचावकार्य युद्धपातळीवर सुरु आहे. इमारतीचा ढिगारा हटवण्याचे जेसीबी च्या सहाय्याने सुरु आहे.
इमारतीच्या ढिगाऱ्याखाली सुमारे २०० रहिवासी अडकल्याची भीती व्यक्त होत आहे. स्थानिक नागरिकांनी तातडीने बचावकार्य सुरु केले असून माणगावहून मदत यंत्रणा रात्री पोहोचली, तर पुण्याहून एनडीआरएफची तीन पथकेही मदतकार्यात गुंतली आहेत. ढिगाऱ्याखालून एकाची जिवंत सुटका करण्यात आली, तर दोन मृतदेह बाहेर काढण्यात आले. तीसजण जखमी झाले असून त्यांना विविध रुग्णालयांमध्ये दाखल केले आहे. रात्री उशिरापर्यंत हे बचावकार्य सुरू होते. कोसळलेल्या ढिगाऱ्याभोवती सुरू असलेल्या आप्त आणि नातेवाईकांच्या किंकाळ्या आणि आक्रोशाने अवघे महाड हादरून गेले.२०११ साली बांधलेल्या या इमारतीचे पिलर्स काही ठिकाणी तुटून ते कमकुवत झाले होते अशी माहिती काही स्थानिक रहिवाशांनी दिली.
सरकारने मृत व्यक्तीना चार लाखांची मदत जाहीर केली तर जखमींना पंचवीस हजार ते एक लाख पर्यंत तातडीने मदत जाहीर केली .

Previous article*अजमीर सौंदाणेत ग्रंथालय कार्यक्रम संपन्न*
Next article*माणगांव मधे मोफत अद्ययावत कोविड सेंटर उद्यापासुन सुरू.*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here