Home कोरोना ब्रेकिंग मुंबईतील करोनाचा पहिला हॉटस्पॉट वरळी कोळीवाडा करोनामुक्तीकडे

मुंबईतील करोनाचा पहिला हॉटस्पॉट वरळी कोळीवाडा करोनामुक्तीकडे

124
0

🛑 मुंबईतील करोनाचा पहिला हॉटस्पॉट वरळी कोळीवाडा करोनामुक्तीकडे 🛑
मुंबई 🙁 साईप्रजित मोरे ब्युरो चीफ युवा मराठा न्युज )

मुंबई ⭕वरळी कोळीवाड्यातील ७० टक्के भागात मागील २० दिवसांहून अधिक काळ एकही नवीन करोना रुग्ण आढळलेला नाही. त्यामुळे कोळीवाड्याच्या दहा ते बारा भागांतील म्हणजे सुमारे ६० ते ७० टक्के प्रतिबंधित क्षेत्र खुले करण्यात आले आहे. मागील दोन महिन्यांनंतर या परिसराने मोकळा श्वास घेतला आहे. मात्र पुढील अनिश्चित काळासाठी सामाजिक वावर, मास्क, सार्वजनिक ठिकाणी गर्दी टाळण्याचे नियम पाळावे लागणार आहेत.

जी-दक्षिण विभागातील वरळी कोळीवाडा, आदर्श नगर, जिजामाता नगर परिसर हा मुंबईतील करोनाबाधितांचा पहिला हॉटस्पॉट म्हणून ओळखला जात होता. करोना साथीच्या पहिल्या टप्प्यात मुंबईत सर्वाधिक रुग्ण या भागात सापडल्याने हा परिसर खूप चर्चेत होता. या विभागातील रुग्णसंख्या झपाट्याने वाढत गेल्याने पालिकेने हा परिसर प्रतिबंधित क्षेत्र म्हणून जाहीर केला होता. पोलिस आणि पालिकेने नागरिकांसाठी अत्यंत कठोर नियमावली केली होती.

विभागातील रुग्णांचे प्रमाण खाली आणण्यासाठी पोलिस आणि पालिका प्रशासनाने उपाययोजनांचा नवीन आराखडा राबवला. नागरिकांनीही त्यास सहकार्य केल्याने रुग्णवाढ रोखता आली, अशी माहिती पालिकेच्या वतीने देण्यात आली आहे. कोळीवाड्यातील १० ते १२ भाग तसेच जनता कॉलनीतील सहा ते सात भाग प्रतिबंधित क्षेत्रातून वगळण्यात आले आहेत. उर्वरित ३० टक्के भागात देखील नवीन रुग्ण सापडण्याचे प्रमाण खूप कमी झाल्याने हा भाग निरीक्षणाखाली ठेवण्यात आला आहे.

एक हजार रुग्ण घरी परतले

जी-दक्षिण विभागातील रुग्णसंख्या रविवारी २,०६६ पर्यंत पोहोचली असून आत्तापर्यंत एक हजार जण बरे होऊन घरी परतले आहेत. म्हणजे प्रत्यक्षात एक हजार ६६ रुग्ण आता या विभागात शिल्लक असून बरे होण्याचे प्रमाण सुमारे ५० टक्के आहे. या विभागात ६०हून अधिक रुग्णांचा करोनामुळे मृत्यू झाला आहे.

मासेमारीसाठी लवकरच परवानगी

वरळी कोळीवाड्यात कोळी समाजाची संख्या सर्वाधिक असून मासेमारी हा त्यांचा प्रमुख व्यवसाय आहे. कोळीवाड्यात सुमारे २००हून अधिक मासेमारी करणाऱ्या बोटी आहेत. प्रतिबंधित क्षेत्रात शिथिलता आणलेल्या भागात मर्यादित स्वरूपात मासेमारी करण्यास लवकरच परवानगी दिली जाणार आहे, असे पालिकेने स्पष्ट केले आहे.⭕

Previous articleआजपासून घरगुती गॅस सिलेंडर महागले
Next articleकरून दाखवलं! आदित्य ठाकरेंनी दिली मुंबईतील ‘या’ परिसराबद्दल
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here