⭕सैराट फेम अभिनेता आकाश ठोसरला भुलली महिला!
अखेर तो “परशा ” अटक⭕
अहमदनगर 🙁 विजय पवार ब्युरो चीफ युवा मराठा न्युज )

अहमदनगर | सैराट फेम अभिनेता आकाश ठोसर याच्या नावाने फेसबुकला बनावट खाते उघडून अहमदनगर शहरातील महिलेची फसवणूक करणार्‍या पुण्याच्या एकाला अहमदनगर सायबर सेल पोलिसांनी आज अटक केली आहे. शिवदर्शन नेताजी चव्हाण ऊर्फ शिवतेज (रा. पिंपरी चिंचवडी, जि. पुणे) असे अटक केलेल्याचे नाव आहे. महिलेकडून घेतलेले मंगळसूत्र आणि सोन्याची अंगठी पोलिसांनी जप्त केली आहे. एक लाख चाळीस हजाराचा मुद्देमाल पोलिसांनी या बनावट परशाकडून जप्त केला आहे.

एमआयडीसी येथे या महिलेचा चार महिन्यापूर्वी फेसबुकवर सैराट फेम अभिनेता आकाश ठोसर याच्या बनावट खात्याशी संपर्क आला. पिंपरी-चिंचवड येथील शिवदर्शन हे खाते हाताळत होता.
याच खात्यावरून त्याने अहमदनगरमधील महिलेशी मैत्री वाढवली. आर्थिक अडचण असल्याचा बहाणा करत त्याने महिलेकडून मंगळसूत्र आणि एक अंगठी नगरला येऊन घेतली. सदर फेसबुक अकाऊंट बंद झाल्यानंतर महिलेला आपली फसवणूक झाल्याचे लक्षात आले. अखेर नगरच्या सायबर सेलने प्रकरणाचा छडा लावत पिंपरी-चिंचवड मधून तोतया परशा अर्थात आरोपी शिवदर्शनला अटक केली आहे..