आशाताई बच्छाव
मुंबई प्रतिनिधी दिपक कदम –सत्ताधारी पक्षातील कलंकित, भ्रष्टाचारी व असंवेदनशील मंत्री व आमदार यांना तात्काळ बडतर्फ करण्याबाबत विरोधी पक्षनेते अंबादास दानवे यांच्या नेतृत्वाखाली शिवसेना – उद्धव बाळासाहेब ठाकरे पक्षाच्या शिष्टमंडळांने महामहीम राज्यपाल श्री. सी. पी. राधाकृष्णन यांना आज पत्र दिले.
राज्य मंत्रिमंडळातील अनेक मंत्र्यांच्या गैरव्यवहार आणि प्रकरणाबद्दल माहिती पत्राद्वारे दिली. मंत्री संजय शिरसाठ, कृषी मंत्री माणिकराव कोकाटे , राज्य मंत्री योगेश कदम तसेच मंत्री नितेश राणे यांच्या गंभीर प्रकरणाची वस्तुस्थिती स्थिती राज्यपाल यांच्यासमोर मांडली.
राज्यातील हनी ट्रॅप प्रकरण, ठाणे बोरिवली बोगदा प्रकरण , मीरा भाईंदर महापालिकेच्या भूसंपादन प्रक्रियेत गैरव्यवहार अशा अनेक प्रकरण संदर्भात राज्यपाल यांना पत्राद्वारे माहिती दिली.
ह्यावेळी शिवसेना नेते आमदार ॲड. अनिल परब, शिवसेना उपनेते विनोद घोसाळकर, शिवसेना उपनेत्या विशाखा राऊत, शिवसेना सचिव आमदार मिलिंद नार्वेकर, उपनेत्या सुषमा अंधारे, उपनेते विजय कदम, शिवसेना सचिव ॲड. साईनाथ दुर्गे, सचिव सुप्रदा फातर्पेकर, सचिव पराग डाके, आमदार ज. मो. अभ्यंकर, उपनेते आमदार मनोज जामसुतकर, उपनेते भाऊ कोरगावकर, उपनेते विठ्ठलराव गायकवाड, उपनेते नितीन नांदगावकर, उपनेते अशोक धात्रक, उपनेते आमदार नितीन देशमुख, उपनेते बबन थोरात, आमदार विभागप्रमुख महेश सावंत, आमदार बाळा नर आणि आमदार हारुन खान उपस्थित होते.
