आशाताई बच्छाव
शेळ्या चारण्यासाठी गेलेल्या १६ वर्षीय युवकाचा डोहात बुडून मृत्यू ! अंढेरा येथील घटना …
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलडाणा :-चिखली तालुक्यातील अंढेरा फाट्यानजीकच्या डोहात बुडून एका १६ वर्षीय युवकाचा मृत्यू झाल्याची दुर्दैवी घटना घडली. प्रणव केशव इंगळे असे मृत युवकाचे नाव असून, तो नेहमीप्रमाणे शेळ्या चारण्यासाठी गेला असताना हा प्रकार घडला.प्रणव दुपारी शौचासाठी जात असताना त्याचा पाय घसरून तो मारुती मंदिराच्या उत्तर दिशेला आल्याने तो पाण्यात बुडाला आणि त्यातच त्याचा मृत्यू झाला.
घटनेची माहिती मिळताच अंढेरा पोलिस ठाण्याचे गजानन वाघ व नितीन पुसे यांनी घटनास्थळी घेऊन पंचनामा केला. ठाणेदार रूपेश शक्करन यांनी रुग्णालयात जाऊन मृत्युप्रकरणाची माहिती घेतली.प्रणवच्या पश्चात वडील केशव इंगळे, आई, ए५. बहीण असा परिवार असून त्याच्या आकस्मिक निधनामुळे संपूर्ण कुटुंबावर दुःखाचा डोंगर कोसळला आहे. गावातही हळहळ व्यक्त केला जात आहे.
