आशाताई बच्छाव
पारध सह परिसरात चोरी सत्र सुरूच पारध पाठोपाठ मोहळाईतून बैल जोडी लंपास
जाफराबाद जालना प्रतिनिधी मुरलीधर डहाके
भोकरदन तालुक्यातील पारध बुद्रु येथील बैल जोडी चोरीची घटना ताजी असताना चोरट्यांनी पुन्हा धुमाकूळ घालत आहे .दुसऱ्याच दिवशी मोहळाई गावातून जनावरे चोरून खुले आवाहन दिले आहे. मोहाळाई येथील देवाजी देविदास पालकर यांची बैल जोडी तर भिका पालकर यांची एक गीरवासरी काल रात्री अज्ञात चोट्यांनी चोरून नेली एका पाठोपाठ घडलेल्या चोरीच्या घटनांमुळे परिसरात भीतीचे वातावरण निर्माण झाले आहे. शेतकऱ्यांमध्ये असुरक्षिततेचा भावना वाढली असून पोलिसाच्या कार्य क्षमतेवर प्रश्नचिन्ह उभे राहिले आहे .पारध पोलिसांनी तातडीने याप्रकरणी लक्ष घालून चोरांना जेरबंद करावे अशी मागणी गावकऱ्यांची आहे पारध पोलिसांनी यापूर्वीच्या चोरीच्या तपास सुरू केला असतांना आता मोहाळाईतील या नवीन चोरीमुळे पोलिसांनी दबाव वाढला आहे. चोरट्यांनी एका मागे एक चोऱ्या करून पोलिसांसमोर अक्षरशः आव्हान निर्माण झाली आहे. आता पारध पोलीस या कोणत्या पद्धतीने पकडतात हे पहाणे महत्त्वाचे ठरणार आहे या घटनेमुळे परिसरातील शेतकरी अधिक सतर्क झाले असून आपल्या जनावरांची सुरक्षा वाढवण्यासाठी विविध उपयोजना करत आहेत. मात्र पोलिसांकडून ठोस कारवाईची अपेक्षा शेतकरी वर्गातून तसेच पारध परिसरातून होतांना दिसत आहे.
