हाथरसच्या निमित्ताने उत्तर प्रदेशात जातीय दंगली भडकवण्याचा कट ; मुख्यमंत्री योगी आदित्यनाथ
विशेष प्रतिनिधि – राजेश एन भांगे
उत्तर प्रदेश, दि.५ – हाथरस प्रकरणाच्या निमित्ताने जातीय दंगली भडकवण्याचा कट रचण्यात आल्याचा दावा उत्तर प्रदेशातील मुख्यमंत्र्यांनी केला आहे.
एका अहवालानुसार एक बनावट वेबसाइट रात्रभरात तयार करण्यात आली आणि त्याद्वारे जातीय दंगली घडवण्याचा कट रचला गेला.
तर वेबसाइट वर हाथरस प्रकरणातील हिंसाचाराची आग भडकवण्यासाठी काय करावं ? आणि काय करु नये ?
हे सविस्तरपणे सांगण्यात आल्याचा दावा करण्यात आला आहे.
मदतीची नावाखाली हिंसाचार पसरवण्यासाठी निधीची व्यवस्था केली जात असल्याचीही माहिती मिळाली आहे.
काही संघटनांनी ही उत्तर प्रदेशात हिंसाचार पसरविण्यासाठी वेबसाइट तयार करण्यात समान भूमिका बजावली आहे.
उत्तर प्रदेशचे मुख्यमंत्री योगी आदित्यनाथ यांनी हाथरसमधील जमावाने हा राज्य सरकार विरोधात कट असल्याचं म्हटलं .
ते म्हणाले की ज्यांना विकास आवडत नाही, त्यांना जातीय हिंसा भडकवायची आहे.
ज्यांना विकास आवडत नाही, त्यांना जातीय दंगल भडकवायची आहे आणि राज्यातही दंगलीच्या नावाखाली विकास थांबेल, त्यांना दंगलीच्या नावाखाली राजकारण करण्याची संधी मिळाली आहे म्हणून ते नवे कट रचत राहतात असंही योगी आदित्यनाथ यांनी म्हटलं आहे.
काय आहे प्रकरण ?
उत्तर प्रदेशातील हाथरसमध्ये एका दलित तरुणीवर बलात्कार झाला.
त्यानंतर तिच्यावर हल्ला करुन तिची जीभ छाटण्यात आली.
या मुलीवर सफदरजंग रुग्णालयात उपचार सुरु होते.
मात्र २९ सप्टेंबरच्या रात्री या मुलीचा उपचारादरम्यान मृत्यू झाला.
त्यानंतर पीडित मुलीच्या मृतदेहावर घाईने अंत्यसंस्कार करण्यात आले.
त्यानंतर देशभरात या प्रकरणी प्रतिक्रिया उमटण्यास सुरुवात झाली.
