आशाताई बच्छाव
भुमका पुरुष बचत गटाच्या स्नेहमिलन सोहळ्यात आमदार मिलिंद नरोटे यांचा सत्कार — डॉ. नामदेवराव उसेंडी यांची विशेष उपस्थिती
कनेरी,/गडचिरोली सुरज गुंडमवार ब्युरो चीफ:
भुमका पुरुष बचत गट, गडचिरोली यांच्या वतीने कनेरी येथे पारिवारिक स्नेहमिलन सोहळ्याचे आयोजन मोठ्या उत्साहात पार पडले. समाजातील विविध क्षेत्रातील मान्यवर, नागरिक आणि गटाचे सदस्य मोठ्या संख्येने उपस्थित होते.
या सोहळ्याचे प्रमुख आकर्षण म्हणजे आमदार मिलिंदजी नरोटे यांचा सत्कार करण्यात आला. या प्रसंगी माजी आमदार डॉ. नामदेवराव उसेंडी हे विशेष अतिथी म्हणून उपस्थित होते. दोन्ही मान्यवरांच्या उपस्थितीमुळे कार्यक्रमाला विशेष औचित्य प्राप्त झाले.
कार्यक्रमात आमदार नरोटे यांनी भुमका पुरुष बचत गटाच्या कार्याचे कौतुक करत सांगितले की, “समाजातील एकोपा आणि स्नेह वाढविणारे असे उपक्रम सामाजिक बांधिलकीची जाणीव करून देतात.”
डॉ. नामदेवराव उसेंडी यांनीही मार्गदर्शन करताना म्हटले की, “अशा सामाजिक कार्यक्रमांमुळे परस्पर संवाद वाढतो आणि एकात्मतेची भावना दृढ होते.”
गटाचे पदाधिकारी व सदस्यांनी उत्कृष्ट नियोजन करून कार्यक्रम यशस्वी केला. कार्यक्रमाच्या शेवटी मान्यवरांनी सर्व आयोजकांचे मनःपूर्वक अभिनंदन केले आणि भविष्यातही असे समाजाभिमुख उपक्रम राबवण्याचे आवाहन केले.
