आशाताई बच्छाव
देवळा तालुक्याच्या हद्दीत चोरीस गेलेल्या ट्रॅक्टरचा जालना जिल्ह्यातून जप्त . देवळा पोलिसांची दमदार कामगिरी
देवळा प्रतिनिधी भिला आहेर:- येवला तालुक्यातील अंदरसुल येथील अनिल ओमकार दळे यांनी देवळा पोलीस ठाण्यात दिलेल्या फिर्यादीवरून त्यांचा स्वराज कंपनीचा ट्रॅक्टर एम एच १५ बी एस ७३५१ हा गेल्या दोन महिन्यांपासून देवळा तालुक्यातील सुभाषनगर येथील सुनील बाळू अहिरराव यांचेकडे शेतीकामासाठी घेऊन आलेले असता ८ सप्टेंबर रोजी मध्यरात्रीच्या सुमारास अज्ञात चोरट्यांनी सदरचा ट्रॅक्टर चोरून नेला याबाबत देवळा पोलीस ठाण्यात गुन्हा रजिस्टर नंबर१८८/२०२५ भारतीय न्याय संहिता कलम ३०३(२) प्रमाणे गुन्हा दाखल करण्यात आला होता सदर गुन्हा दाखल होताच पोलीस अधीक्षक बाळासाहेब पाटील,अप्पर पोलीस अधीक्षक आदित्य मिरखेलकर,कळवणचे उपविभागीय पोलीस अधिकारी किरणकुमार सूर्यवंशी यांनी गुन्हा उघडकीस आणण्याबत सूचना व मार्गदर्शन केले. त्यानुसार देवळा पोलीस ठाण्याचे पोलीस निरीक्षक सार्थक नेहेते,पोलीस हवालदार भास्कर सोनवणे,संदीप चौधरी यांनी तपासाची चक्रे फिरवली असता सी सी टीव्ही च्या आधारेशोध घेतला असता हा ट्रॅक्टर व ट्रॉली मनमाडमार्गे नगर रोडने गेल्याचे निष्पन्न झाले सदर गुन्ह्याचा तपास करीत असताना पोलिसांना माहिती मिळाली की छत्रपती संभाजीनगर स्थानिक गुन्हे शाखेनेदरोड्याचा तयारीत असताना दोन आरोपी अमोल सायराम गायकवाड व गोविंद निवृत्ती पवार दोन्ही राहणार बेलगाव ता. वैजापूर यांना अटक करण्यात आलेली होती तपासात ते नाशिक जिल्ह्यात आल्याचे उघड झाल्याने सदर ट्रॅक्टर चोरी केल्याचा संशय बळावल्याने सदर आरोपींना छत्रपती संभाजी नगर येथून वर्ग करून ताब्यात घेण्यात आले व त्यांना अटक करण्यात आली तपासात सदर आरोपींनी गुन्हा केल्याची कबूली दिली व सदर ट्रॅक्टर व ट्रॉली चोरी करत घेऊन जाऊन गाव बाजारवाहेगाव ता.बदनापूर जि. जालना याठिकाणी लपवून ठेवलेबाबत कबुली दिली पोलीस निरीक्षक सार्थक नेहेते यांचे सूचनेनुसार बाजारवाहेगाव याठिकाणाहून आरोपींसह चोरीस गेलेला स्वराज ट्रॅक्टर ६ लाख ५० हजार रुपये किंमतीचा व निळ्या रंगाची ट्रॉली हस्तगत करण्यात आली सदर आरोपींना न्यायालयात हजर केले असता त्यांना १० ऑक्टोबर पर्यंत न्यायालयीनकस्टडीदेण्यात आली आहे सदरची कामगिरी देवळा पोलीस ठाण्याचे पोलीस निरीक्षक सार्थक नेहेते यांचे मार्गदर्शन व सूचनेनुसार पोलीस हवालदार भास्कर सोनवणे व संदीप चौधरी यांनी केली आहे त्यांच्या या कामगिरीने त्यांच्या वरिष्ठ पथकाने त्यांचे कौतुक केले आहे.
