आशाताई बच्छाव
कोसगाव ग्रामपंचायत येथे मुख्यमंत्री स्वच्छता झाडू फावडा टोपली मोहीम
जाफराबाद जालना प्रतिनिधी मुरलीधर डहाके
दिनांक २३/०९/२०२५भोकरदन तालुक्यातील कोसगाव ग्रामपंचायत येथे मुख्यमंत्री सेवा पंधरावाडा अभियान हे गावात झाडू टोपली घेऊन स्वच्छता अभियान राबविण्यात आले. ग्रामपंचायत येथे अभियान वृक्ष लागवड व स्वच्छता मोहिमेला विशेष महत्त्व देण्यात आले. गावातील नागरिक विद्यार्थ्यापासून ग्रामपंचायत पदाधिकारी व स्थानिक कार्यकर्ते अशा सर्वांनी मिळून या उपक्रमात उत्साहाने सहभाग घेतला व शाळकरी मुलांनी शिक्षकाच्या मार्गदर्शनाखाली विविध प्रकारच्या झाडांची लागवड केली या अभियानामुळे गावात सामाजिक एक्य व पर्यावरण संवर्धनाबाबत सकारात्मक संदेश पसरला स्वच्छता हीच सेवा हरित गाव स्वच्छ गाव या घोषणांनी वातावरण दुमदुमून गेले या उपक्रमामुळे गावात विकासात्मक कार्यांना नवी दिशा मिळत असल्याची भावना ग्रामस्थांनी व्यक्त केली. यावेळी गावातील सरपंच अशोक पाटील शिंदे व राधाबाई शिंदे चेअरमन, सुभाष शेळके व श्रीमती मीनल मेश्राम तलाठी व ग्रामसेवक गवई मॅडम राजू शिंदे ,भागवत शिंदे पत्रकार सुनील उंबरकर व गौतम वाघ पत्रकार व जिल्हा परिषद शाळेचे मुख्याध्यापक जंजाळ सर आणि शिवाजी पट्टे सर सोनवणे सर, देठे सर शिक्षिका वर्ग वृद्ध व अखिल भारतीय भ्रष्टाचार निर्मूलन संघर्ष समितीचे भोकरदन तालुका अध्यक्ष सुनील उंबरकर तथा पत्रकार इत्यादी ग्रामस्थ मोठ्या संख्येने उपस्थित होते.
