आशाताई बच्छाव
पक्ष संघटनेची मजबूत बांधणी करा : विरोधी पक्षनेते अंबादास दानवे
जालना, दि. २६ (प्रतिनिधी दिलीप बोंडे)-शिवसेना (उद्धव बाळासाहेब ठाकरे) पक्षाची व
पक्षाच्या अंगीकृत असणार्या सर्व संघटनांची मजबूत बांधणी करा, असे आवाहन
विरोधी पक्षनेते अंबादास दानवे यांनी केले.
जालना शहरातील शिवसेना भवन येथे शहरातील पदाधिकार्यांची संघटनात्मक
आढावा बैठक शनिवार २६ एप्रिल रोजीr संपन्न झाली. यावेळी या बैठकीस
मार्गदर्शन करताना राज्याच्या विधान परिषदेचे विरोधी पक्ष नेते अंबादास
दानवे बोलत होते. यावेळी व्यासपीठावर शिवसेनेचे उपनेते लक्ष्मणराव वडले,
जिल्हाप्रमुख भास्करराव आंबेकर, जिल्हा संघटक भानुदास घुगे,
उपजिल्हाप्रमुख बाबुराव पवार, शहरप्रमुख बाला परदेशी, घनश्याम खाकीवाले,
दुर्गेश काठोटीवाले, माजी नगरसेवक संदीप झारकंडे, संदीप नाईकवाडे यांची
उपस्थिती होती.
यावेळी पदाधिकार्यांना मार्गदर्शन करताना विरोधी पक्षनेते अंबादास दानवे
म्हणाले की, मागील काळात पक्षात झालेल्या फुटाफुटी नंतर रिक्त झालेली
संघटनात्मक पदे तात्काळ भरणे गरजेचे आहे. त्यामुळे पक्ष संघटन मजबूत
होईल. पक्ष संघटन बांधणी चांगली करुन आगामी निवडणुका आपण जिंकू.
संघटनेच्या रिक्त जागा भरण्याबरोबरच महिला आघाडी, युवा सेना, दलित आघाडी,
यासह सर्व अंगिकृत संघटनांच्या पदाधिकार्यांच्या नियुत्तäयाही
प्रामुख्याने करण्यात याव्यात, असेही ते म्हणाले. पक्ष संघटन बळकट व
मजबूत असेल तर आपण कोणत्याही निवडणुका सहज जिंकू शकतो, असे ते म्हणाले.
या बैठकीत दलित आघाडीच्या जिल्हाध्यक्षपदी रविकांत जगधने, युवा सेनेच्या
शहर प्रमुखपदी सुदर्शन चौधरी, युवा सेनेचा उपशहर प्रमुखपदी किरण तुम्मा,
अल्पसंख्यांक आघाडीच्या शहर प्रमुखपदी वसीम खान, युवा सेनेच्या
उपशहरप्रमुख पदावर स्वराज बोर्डे यांची नियुक्ती करण्यात आली.
