आशाताई बच्छाव
बीड जिल्ह्यात भामट्यांचा सुळसुळाट पोलीस असल्याचे सांगून साडेतीन तोळे सोने नेहले चोरून
मोहन चव्हाण
ब्युरो चीफ बीड जिल्हा
बीड/किल्लेधारूर दि.१४ एप्रिल २०२५ तालुक्यातील मैंदवाडी येथील ७९ वर्षीय शेषेराव सटवाजी मैंद या वृद्धाची दोन भामट्यांनी पोलीस असल्याचे सांगून थेट साडेतीन तोळे सोन्याची फसवणूक केल्याची घटना रविवारी (दि.१३) घडली आहे. या प्रकरणी दोघांवर गुन्हा दाखल करण्यात आला असून शेषेराव मैंद हे धारूर येथे कामानिमित्त आले होते. दुपारी साडेतीनच्या सुमारास त्यांनी केज बसने कासारी फाट्याजवळ उतरल्यानंतर गावाकडे जाण्यासाठी खाजगी वाहनाची वाट पाहत होते. त्याचवेळी एक भामटा मोटरसायकलवर आला व स्वतःला पोलीस खात्यातील अधिकारी असल्याचे सांगून त्याने एका २५ वर्षाच्या तरुणाची झडती घेत असल्याचा बनाव केला. त्यानंतर त्या भामट्याने विश्वास बसण्यासाठी शेषेराव यांचीही झडती घेतली. यावेळी शेषराव यांनी त्यांच्या खिशातील अडकित्ता, पान, सुपारी, चुन्याची डबी व गळ्यातील २ तोळ्याचे सोन्याचे लॉकेट,१ एक ग्राम बदाम व दीड तोळ्याच्या दोन अंगठ्या असे एकूण साडेतीन तोळे सोने काढून रुमालात गुंडाळून त्या भामट्याच्या ताब्यात दिले. त्याने सर्व सामान व दागिने तपासल्याचे भासवून पुन्हा रुमालात गुंडाळल्याचे दाखवले, आणि नंतर संपूर्ण सोने घेऊन प्रसार झाला. याप्रकरणी शेषराव महिंद यांनी दिलेल्या तक्रारीवरून किल्लेधारूर पोलीस ठाण्यात अज्ञात दोन इसमांविरुद्ध फसवणुकीचा गुन्हा दाखल करण्यात आला आहे.
