आशाताई बच्छाव
आमदार डॉ. मिलिंद नरोटे यांची धानोरा येथे विविध विकासकामांची पाहणी..
धानोरा/गडचिरोली सुरज गुंडमवार ब्युरो चीफ | गडचिरोली विधानसभेचे आमदार डॉ. मिलिंद सगुणाबाई रामजी नरोटे यांनी 24 मार्च रोजी धानोरा येथे भेट देऊन ग्रामीण रुग्णालय, क्रीडा संकुल आणि स्थानिक समस्या यांची पाहणी केली. नागरिक व कार्यकर्त्यांशी संवाद साधत, त्यांनी विविध अडचणी जाणून घेतल्या आणि त्याच्या सोडवणुकीसाठी अधिकाऱ्यांना आवश्यक निर्देश दिले.
जनसामान्यांच्या समस्या ऐकण्यासाठी पुढाकार
धानोरा येथे नागरिक आणि कार्यकर्त्यांशी संवाद साधून रस्ते, पाणीपुरवठा, आरोग्य आणि शिक्षणासह विविध प्रश्नांवर चर्चा करण्यात आली.
प्रशासनाशी संबंधित अडचणी सोडवण्यासाठी तातडीने उपाययोजना करण्याचे निर्देश अधिकाऱ्यांना देण्यात आले.
ग्रामीण रुग्णालय पाहणी
आमदार डॉ. मिलिंद नरोटे यांनी धानोरा ग्रामीण रुग्णालयाला भेट देऊन उपचार व्यवस्था, औषध उपलब्धता आणि रुग्णसेवा यांचा आढावा घेतला.
रुग्णालयातील सुरू असलेल्या बांधकामाची पाहणी करून कामाची गती वाढवण्याच्या सूचना देण्यात आल्या.
क्रीडा संकुलाच्या बांधकामाचा आढावा..
धानोरा येथे सुरू असलेल्या क्रीडा संकुलाच्या बांधकाम स्थळी भेट देऊन आमदार नरोटे यांनी कामाची पाहणी केली.
युवकांना दर्जेदार क्रीडा सुविधा मिळाव्यात यासाठी प्रकल्प लवकर पूर्ण करण्याच्या सूचना अधिकाऱ्यांना दिल्या.
स्थानिक विकासकामांना गती
धानोरा शहराच्या विकासासाठी रस्ते, पाणीपुरवठा, स्वच्छता आणि शिक्षण यांसारख्या पायाभूत सुविधांवर भर देण्यात येणार असल्याचे आमदार नरोटे यांनी सांगितले.
