आशाताई बच्छाव
भंडारा येथे वृद्ध कलावंताचे संगीतमय धरणे आंदोलन 10 जानेवारी ला
प्रबोधनकार कला साहित्य संघटनेचे आवाहन
संजीव भांबोरे
भंडारा (जिल्हा प्रतिनिधी) वृद्ध कलावंत निवडीच्या प्रक्रिया संदर्भात भंडारा येथील त्रिमूर्ती जिल्हाधिकारी कार्यालयासमोर दिनांक 10 जानेवारी 2025 रोजी सकाळी 11 वाजता प्रबोधनकार कला व साहित्य संघटनेच्या वतीने एक दिवसीय संगीतमय धरणे आंदोलन कार्यक्रमाचे आयोजन करण्यात आलेले आहे. या धरणे आंदोलनाचे नेतृत्व सामाजिक चळवळीचे कार्यकर्ते परमानंद मेश्राम, संघटनेचे केंद्रीय संयोजक मनोज कोटांगले ,भंडारा जिल्हाध्यक्ष भावेश कोटांगले करणार आहेत. यात सन 2021 22, 2022- 23, 2023-24 मधील ऑफलाइन अर्ज तपासून वृद्ध कलावंताची निवड करण्यात यावी, मार्च 2024 पासून ऑनलाइन अर्ज स्वीकारावे, वृद्ध कलावंतांचे अर्ज दाखल करणारे ऑनलाईन पोर्टल सुरू करण्यात यावे, या मागण्यांच्या समावेश आहे .करिता जिल्ह्यातील सर्व वृद्ध कलावंत यांनी पेन्शन साठी अर्ज केलेला आहे त्यांनी आवर्जून उपस्थित रहावे असे आवाहन प्रबोधनकार कला साहित्य संघटनेचे जिल्ह्यातील व तहसील मधील सर्व पदाधिकारी यांनी केलेले आहे.
