आशाताई बच्छाव
सोनई महाविद्यालयात ” राष्ट्रीय गणित दिवस” साजरा…
अहिल्यानगर कारभारी गव्हाणे प्रतिनिधी –मुळा एज्युकेशन सोसायटीचे कला वाणिज्य व विज्ञान महाविद्यालय सोनई या महाविद्यालयातील गणित विभागाने “राष्ट्रीय गणित दिवस” दि. १ जानेवारी २०२५ रोजी स.१०:३० वा. कार्यक्रम आयोजित केला. या उपक्रमासाठी प्रमुख पाहुणे प्रा. वाय. बी. रोकडे, न्यू आर्टस् कॉमर्स अँड सायन्स कॉलेज, शेवगाव यांनी रोजच्या जीवनातील वेगवेगळी गणिती उदाहरणे देवून कौशल्य कशा पद्धतीने वाढवावे यासंदर्भात मार्गदर्शन केले. महाविद्यालयाचे उपप्राचार्य डॉ. ज्ञानदेव झिने सर हे या कार्यक्रमाच्या अध्यक्ष स्थानी होते. त्यांनी अध्यक्षीय मनोगतामध्ये ‘गणित रोजच्या व्यवहारात कसे फायदेशीर असते’ याचे महत्त्व विशद केले. या कार्यक्रमाचे प्रास्ताविक गणित विभाग प्रमुख डॉ. बाळासाहेब खेडकर यांनी केले तर सूत्रसंचालन प्रा. बी. के. सुद्रिक मॅडम यांनी केले. आभार प्रदर्शन प्रा. पी. एस. काकडे मॅडम यांनी केले. या कार्यक्रमासाठी प्राध्यापक व विद्यार्थी मोठ्या संख्येने उपस्थित होते.
त्यानंतर पोस्टर प्रेझेंटेशन(भित्त्तीचित्र) स्पर्धा घेण्यात आली. त्यामध्ये आठ टीम्स ने सहभाग नोंदवला होता. त्यापैकी कु.धनायत श्रुती, कु.गायत्री शिंदे या ग्रुपने प्रथम क्रमांक पटकावला. आणि शेवटी ट्रेजर हंट हा गेम मुलांसाठी आयोजित केला होता त्यामध्ये 12 टीम्स ने सहभाग नोंदवला. त्यापैकी एक टीम कु. पाटोळे गौरी, कु. नागडे साक्षी, कु.गाढे कल्याणी ही टीम विजयी ठरली. विजेत्या विद्यार्थ्यांना उपप्राचार्य डॉ. ज्ञानदेव झिने सर आणि सन्माननीय अतिथी प्रा. वाय. बी. रोकडे सर यांच्या हस्ते पारितोषिक वितरण करण्यात आले. अशा प्रकारे मोठ्या उत्साहामध्ये “राष्ट्रीय गणित दिन” साजरा करण्यात आला.
