आशाताई बच्छाव
आडवीहीर फाट्याजवळ अपघात., दोन जण ठार
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलडाणा :-मोताळा-नांदुरा रोडवरील आडविहिर फाट्याजवळ दुचाकीचा अपघात होवून २ जण जागीच ठार झाल्याची घटना १४ डिसेंबरच्या रात्री साडेनऊ वाजेच्या सुमारास घडली. मृतक हे अंत्री येथील रहिवासी आहे.
अंत्री येथील अतुल गजानन जवरे (वय ३१) व गोपाल भगावान काठोळे (वय २१) हे दोघे १४ डिसेंबरच्या रात्री साडेनऊ वाजेच्या सुमारास मोताळा येथून जात होते. दरम्यान त्यांच्या दुचाकीचा आडविहिर फाट्याजवळ अपघात झाला. यामध्ये अतुल व गोपाल दोघेही जखमी झाले. अपघाताची
माहिती बोराखेडी पोलिसांनी घटनास्थळी धाव घेतली. जखमींना १०८ रुग्णवाहिकेने बुलढाणा येथे पाठविण्यात आले. मात्र, डॉक्टरांनी त्यांना मृत घोषीत केले. आज १५ डिसेंबर रोजी शोकाकुल वातावरणात अतुल जवरे याच्यावर दुपारी १ वाजता अंत्यसंस्कार करण्यात आले. तर गोपाल काठोळे याचे वडील बाहेरगावी असल्यामुळे वृत्तलिहेपर्यंत त्याच्यावर अंत्यसंस्कार करण्यात आले नव्हते. अतुल व गोपालच्या अपघाती निधनाने अंत्री गावावर शोककळा पसरली आहे. या दोघांचा अपघात झाला की त्यांना अज्ञात वाहनाने उडविले, हे मात्र समजू शकले नाही.
