आशाताई बच्छाव
खा. राहुल गांधी यांच्याविषयी बेताल वक्तव्य; खा. अनिल बोंडे व आ. संजय गायकवाड यांच्या विरोधात आंदोलन
जालना, दिलीप बोंडे ब्युरो चीफ- काॅंग्रेसचे राष्ट्रीय नेते खासदार राहुल गांधी यांच्या विषयी बेताल वक्तव्य करणारे भाजपचे खासदार अनिल बोंडे व आमदार संजय गायकवाड यांच्या विरोधात गुरूवारी ( दि19) जालना शहरात काॅंग्रेसतर्फे निषेध नोंदवून आंदोलन करण्यात आले. कॉंग्रेस कमिटीचे जिल्हा अध्यक्ष राजाभाऊ देशमुख, व शहर जिल्हाध्यक्ष काँग्रेस कमिटीचे शेख मेहमूद, याच्या मार्गदर्शनाखाली..
मस्तगड येथे जिल्हा महिला काॅंग्रेस कमिटी, शहर जिल्हा काॅंग्रेस कमिटी व काॅंग्रेस सेवादलाच्या वतीने हे आंदोलन करण्यात आले. खासदार राहुल गांधी यांच्याविषयी बेताल वक्तव्य करणारे भाजपचे खासदार अनिल बोंडे व आमदार संजय गायकवाड याच्याविरुद्ध शासनाने गुन्हे दाखल करुन त्यांच्यावर कठोर कारवाई करावी खासदार बोंडे व आमदार गायकवाड यांनी राहुल गांधी यांची जाहीर माफी मागावी , अशी मागणी यावेळी करण्यात आली.
यावेळी काॅंग्रेसचे जिल्हा कार्याध्यक्ष राजेंद्र राख,महिला काॅंग्रेस कमिटीच्या जिल्हाध्यक्षा नंदाताई पवार, काॅंग्रेस सेवादलाचे शहर जिल्हाध्यक्ष इब्राहीम शेख, प्रदेश महाराष्ट्र सरचिटणीस राम कुर्‍हाडे, शहर जिल्हा सरचिटणीस गणेश चांदोडे, मंथूरा सोळुंके, लतीफा शेख, इंदूबाई मैद, खैरूनिसा सय्यद, कांचन मोरे, फकिरा वाघ, प्रमोद अल्हाट, भागवत घाटे यांच्यासह काॅंग्रेसचे पदाधिकारी उपस्थित होते.
