आशाताई बच्छाव
रेशन कार्डधारकांसाठी मोबाईल लिंक, आता मोबाईलवर मेसेज कळणार”रेशनची”माहिती, धान्य पुरवठा विभागाची सुविधा.
दैनिक युवा मराठा
पी.एन. देशमुख
अमरावती जिल्हा विभागीय संपादक.
अमरावती.
रेशन कार्ड धारकाच्या धान्य दुकानात आल्यापासून त्यांना किती मिळेल, याचा एसएमएस संबंधित कार्डधारकासह त्यांच्या कुटुंबातील सदस्यांच्या मोबाईलवर मिळणार आहे. यासाठी रेशन दुकानदारा द्वारा संबंधितांचे मोबाईल क्रमांक फोरजी मशीन मध्ये लिंक करण्यात येत आहेत. सार्वजनिक अन्नधान्य वितरण प्राण्यांमध्ये पारदर्शी पद्धतीने रेशन धान्याचे वाटप व्हावे, यासाठी पुरवठा विभाग आग्रही आहे. यामध्ये वेळोवेळी अनेक बदल करण्यात आलेले आहे. लाभार्थ्यांना त्यांच्या हक्काचे धान्य मिळावे, यासाठी पुरवठा विभागात द्वारा रेशन कार्ड धारकांचे मोबाईल क्रमांक मशीन मध्ये जोडण्यात येत आहे. सध्या देखील ही प्रक्रिया सुरू आहे. या मोबाईल क्रमांकावर येणारे एसएमएस ऑटो जनरेटेड असल्याची माहिती जिल्हा पुरवठा विभागाने दिली. जिल्ह्यात एकूण अंतोदय व प्राध्यानगटात ४,९४,२१६ रेशन कार्ड धारक आहेत. व यामध्ये १९,६२,३४४ सदस्य संख्या आहे. यापैकी सद्यस्थितीत २,९२,१४८ रेशन कार्ड धारकांनी मोबाईल जोडण्याची प्रक्रिया पूर्ण केलेली आहे. हे प्रमाण ५९.११ टक्के आहे. पोर्टल द्वारे आटो जनरेटर एसएमएस संबंधित रेशन कार्डधारकांना मिळत आहे. याद्वारे धान्याची उचल केल्याची माहिती, मिळालेल्या धान्याचा संदेश संबंधितांच्या मोबाईलवर प्राप्त होत आहे. सर्व रेशन कार्ड धारकांनी मोबाईल क्रमांकाची जोडणी करण्याचे आव्हान सहाय्यक जिल्हा पुरवठा अधिकारी प्रज्वल पाथरे यांनी केली आहे. ठसा जुळत नाही तर ओटीपी द्वारे धान्य मिळणार आहे. बरेचदा संबंधित रेशन कार्डधारकांचा ठसा जुळत नाही, अशावेळी जोडणी केलेल्या मोबाईलवर ओटीपी देण्यात येतो व त्याद्वारे ओळख पटवून त्यांना रेशनचे धान्य मिळते. ही सुविधा मोबाईल जोडणीमुळे उपलब्ध होते. शिवाय रेशन धान्याची उचल व वितरणाची माहिती मिळते. रेशन कार्ड धारकांच्या कुटुंबातील मोबाईल दोन्ही केलेल्या सर्व सदस्यांना ही सुविधा उपलब्ध असल्याची माहिती पुरवठा विभागांनी दिली.
