गडचिरोलीत जुन्या वादातून दिवसाढवळ्या हत्येचा प्रयत्न

आशाताई बच्छाव

गडचिरोलीत जुन्या वादातून दिवसाढवळ्या हत्येचा प्रयत्न

गडचिरोली,( सुरज गुंडमवार ब्युरो चीफ)

गडचिरोली: जुन्या वादाचा राग मनात धरून ठेवून दिवसाढवळ्या भूमी अभिलेख कार्यालयातील कर्मचाऱ्यावर चाकूने हल्ला करत हत्या करण्याचा प्रयत्न केल्याची घटना गडचिरोली शहरातील टि पॉईंट चौकात गुरुवार 27 जून रोजी दुपारी 3 वाजताच्या सुमारात घडली. सौरभ ताटिवर ( वय 26) रा. असे आरोपीचे नाव आहे. सदर घटनेने गडचिरोली शहरात खळबळ उडाली आहे.

प्राप्त माहितीनुसार, भूमी अभिलेख कार्यालय गडचिरोली येथे शिपाई पदावर कार्यरत असलेले दिनेश काकडे (वय 25) मू.पो.ता.मानवत जि.परभनी ( हल्ली मुक्काम गडचिरोली) हे दुपारच्या सुमारास टी पॉईंट चौकातील मेस मध्ये जेवण करत असतानां आरोपी सौरभ ताटीवर याने धारदार शस्त्राने यांच्यावर वार करीत गळा चिरला. दरम्यान जवळच असलेल्या नागरिकांनी धावघेत आरोपीस रोखले. यावेळी आरोपीने नागरिकांन सोबत झटापट केल्याचे कळते.दिनेश काकडे यांच्या गळ्यावर व कुशीत गंभीर जखम झाली लगेच काकडे यांना जिल्हा सामान्य रुग्णालय येथे उपचाराकरिता दाखल करण्यात आले असून प्रकृती धोक्याबाहेर असल्याचे डॉक्टरांनी सांगितले.आरोपी सौरभ ताटेवर यास गडचिरोली पोलिसांनी अटक केली असून पुढील तपास गडचिरोली पोलीस करित आहेत.