आशाताई बच्छाव
लाडक्या बहिणींनी महाराष्ट्र राज्याचे मुख्यमंत्री शिंदे दादांना लिहीले पत्र
मोहन चव्हाण
ब्युरो चीफ बीड जिल्हा
बीड : रोजी लाडकी बहीण माझी योजना राबवल्याबद्दल महाराष्ट्रातील लाडक्या बहिणाबाईंनी लीहीले महाराष्ट्र राज्याचे मुख्यमंत्री तथा महाराष्ट्रातील सर्व बहिणींचे दादा आदरणीय एकनाथ (दादा) यांना पत्र लिहून आपल्या दैनंदिन जिवनातील प्रतिक्रिया व्यक्त केल्या.
आदरणीय एकनाथ (दादा ) शिंदे मुख्यमंत्री – महाराष्ट्र राज्य
पत्र लिहण्यास कारण की, तू सुरू केलीली *लाडकी बहीण माझी* या योजने अंतर्गत आम्हाला तू महिना 1500/- रुपये देणार आहेस. पण दादा हे पैसे आम्हाला नको.
त्या ऐवजी तू … गॅस चे दर कमी कर, विजेचे दर कमी कर, चांगले रस्ते तयार कर, ट्रॅफिक ची समस्या सोडण्याचा प्रयत्न कर, रुग्णालयांच्या मधे कमी खर्चात सर्वांना एकसमान सुविधा निर्माण कर, पेट्रोल डिझेल आणि जीवनावश्यक वस्तूंचे भाव कमी कर, शाळेची वारेमाप वाढलेली फी, काही शाळांची मग्रुरी, मनमानी बंद कर, सर्वांना स्वस्तात उत्तम शिक्षण मिळेल ह्याची व्यवस्था कर, उच्च शिक्षण स्वस्त कर, महाविद्यालयांची वाढलेली फी कमी कर, जेणे करून भाचे मंडळी कमी खर्चात डॉक्टर इंजिनीयर होऊ शकतील, ट्रेन लां होणाऱ्या गर्दी वर काही तरी कर, तुझ्या भाचे आणि भाच्यासाठी नोकरी रोजगार उपलब्ध कर, महाराष्ट्रातून परराज्यात जाणारे उद्योग धंदे थांबव … जेण करून तुझ्या भाओजीनां पैशाची चणचण लागणार नाही, त्यांचे आरोग्य सुखरूप राहील, प्रवासात जीव टांगणीला लागून प्रवास होणार नाही आणि त्यांच्या कमी पगारात, कमाईत पण तुझी बहीण सुखी राहील.
दादा.. आम्हाला 1500 रु खरंच नको देऊ. पण आमच्या संसारात ज्या आवश्यक गोष्टी आहेत त्या जरूर दे.
तूझी लाडकी बहीण
