आशाताई बच्छाव
सौभाग्य राखले किडनी देऊन पत्नीने पतीला जीवदान दिले. सुपर स्पेशलिस्ट मध्ये किडनी शस्त्रक्रिया यशस्वी.
दैनिक युवा मराठा
पी एन देशमुख.
अमरावती जिल्हा विभागीय संपादक.
अमरावती.
अमरावती विभागीय संदर्भ सेवा रुग्णालय (सुपर स्पेशलिस्ट हॉस्पिटल अमरावती येथे) शुक्रवारी ३९वी किडनी प्रत्यारोपण शस्त्रक्रिया यशस्वी करण्यात आली. यामध्ये पत्नीच्या मायेमुळे तिच्या पतीचा जीव वाचला आहे. दोन्ही किडनी खराब झालेल्या आपल्या ५३ वर्षीय पतीला ४५ वर्षीय पत्नीने किडनी दान करीत नवे जीवदान दिले. आईच्या मायेचा अनुभव हा प्रत्येकाला अनेक वेळा आला असेल. मुलासाठी आई आपल्या जीवाची परवा न करता काहीही करायला तयार असते. अमरावती विभागीय संदर्भ सेवा रुग्णालय येथे आतापर्यंत झालेल्या किडनी प्रत्यारोपण शस्त्रक्रियेमध्ये किडनी दान करण्यामध्ये आईची संख्या अधिक आहे. परंतु, ३ मे रोजी मे रोजी पार पडलेल्या शास्त्रक्रियेमध्ये पत्नीने पतीला किडनी दान केली आहे. अकोला येथे रहिवासी असलेल्या प्रकाश मनोहर सालफळे (वय ५३) यांच्या दोन्ही किडन्या निकामी झाल्याने मागील १४ महिन्यापासून त्यांच्यावर डायलिसिस उपचार सुरू होते. डायलिसिस करतेवेळी होत असलेल्या आपल्या पतीच्या त्रास लक्षात घेता, तसेच आपल्या कुटुंबाचा विचार करता पत्नीने वंदना प्रकाश सालफळे (वय ४५) हिने आपली किडनी दान करण्याचा निर्णय घेत पतीला नवे जीवदान दिले आहे. महात्मा ज्योतिराव फुले जन आरोग्य योजना अंतर्गत ही शस्त्रक्रिया विनामूल्य करण्यात आली आहे. सुपर स्पेशलिस्ट हॉस्पिटल के एम एस डॉ. अमोल नरोटे, ओ एस डी डॉ. मंगेश मेंढे यांच्या मार्गदर्शनाखाली नेफरोलॉजिस्टड डा. अविनाश चौधरी, डॉ. विक्रम देशमुख, डॉ. राहुल घुले, डॉ विशाल बाहेकर, डॉ.प्रतीक चीरडे बधीरीकरणतज्ञ्ज्ञ डॉ. रोहित हातगावकर, डॉ. दिपाली देशमुख, डॉ. जाफर अली, किडनी ट्रान्सप्लांट को ऑर्डिनेटर डॉ. सोनाली चौधरी यांनी यशस्वी शस्त्रक्रिया केली.
