आशाताई बच्छाव
*
देशस्थ ऋग्वेदी संस्थेच्या वतीने २८ रोजी सामुदायिक व्रतबंध सोहळ्याचे आयोजन
दैनिक युवा मराठा
निफाड नाशिक प्रतिनिधी रामभाऊ आवारे
दरवर्षीप्रमाणे याही वर्षी रविवार दि.२८ एप्रिल २०२४ रोजी देशस्थ ऋग्वेदी संस्थेतर्फे सामुदायिक व्रतबंध सोहळा संस्थेच्या नाशिक येथील तिडके कॉलनी येथे ऋग्वेद कार्यालयात संपन्न होणार आहे. प्रत्येक व्रतबंधासाठी रु. ३५००/- शुल्क आकारण्यात येणार असून त्यामध्ये सर्व धार्मिक विधी (सोड मुंज सोडून) करण्यात येणार आहे. तसेच बटुसह पाच व्यक्तिंची भोजन व नाश्त्याची व्यवस्था करण्यात येणार आहे. पाचपेक्षा जास्त व्यक्तिंची भोजन व नाश्त्याची व्यवस्था प्रतिपान रु. ३२५/- जादा रक्कम भरुन करता येईल. कोणत्याही ब्राह्मण ज्ञातीतील गरीब / गरजु कुटुंबातील दोन बटुंचे संस्थेतर्फे व्रतबंध संस्कार मोफत करण्यात येतील. बाहेरगावांहुन येणाऱ्यांसाठी सशुल्क निवासाची व्यवस्था करण्यात येईल. कृपया इच्छुकांनी खालील दुरध्वनीवर अथवा भ्रमणध्वनीवर संपर्क साधावा असे आवाहन देशस्थ ऋग्वेदी संस्था, नाशिक ग्रामीण तर्फे श्री शेखर कुलकर्णी (लासलगाव) यांनी केले आहे.शेखर कुलकर्णी संपर्क – ९६२३६९७४६७, संपर्क क्रमांक ०२५३-२५९६४३६, ९३७३०९६६८९, ९४२३९६७८९९ या नंबरवर साधावा.
