राजेंद्र पाटील राऊत
बच्चू कडूंचे निर्देश… संग्रामपूर शहर विकासाची ब्ल्यू प्रिंट तयार करा!; नगरपंचायतीत बैठक. संग्रामपूर (ब्यूरो चिफ स्वप्निल देशमुख यूवा मराठा न्यूज बूलडाणा ) ः संग्रामपूर शहर विकासाला मोठा वाव आहे. शहराच्या शाश्वत विकासासाठी मोठे काम करावयाचे आहे. शहरात रस्ते, नाल्या, शाळा, आरोग्याची सुविधा, घरकुल तसेच पाणीपुरवठा याबाबत समीक्षा करून विकास करावा लागणार आहे. त्यासाठी संग्रामपूर शहर विकासाची ब्लू प्रिंट तयार करावी, अशी सूचना जलसंपदा, महिला व बालविकास, शालेय शिक्षण राज्यमंत्री बच्चू कडू यांनी आज, ६ मार्चला संग्रामपूरमध्ये केली.
संग्रामपूर नगरपंचायत सभागृहात शहर विकासासाठी विविध विषयांवर आढावा बैठक घेण्यात आली. त्यावेळी राज्यमंत्री श्री. कडू बोलत होते. यावेळी नगराध्यक्षा उषा सोनोने, उपाध्यक्ष संतोष सावतकर, उपविभागीय महसूल अधिकारी वैशाली देवकर, नगर प्रशासन विभागाचे श्री. अकोटकर, तहसीलदार श्री. वरणगावकर, मुख्याधिकारी प्रशांत शेळके, कार्यालय अधीक्षक शरद कोल्हे आदींसह नगरसेवक उपस्थित होते.
