राजेंद्र पाटील राऊत
व-हाणे कौळाणे पत्रकार भवन जागाप्रश्नी….तर आता अन्नत्याग आंदोलन!
मालेगांव,(ब्युरो टिम युवा मराठा न्युज नेटवर्क)- गेल्या सहा महिन्यापासून अधिक कालावधी लोटला गेला तरी पत्रकार भवनच्या जागेप्रश्नी कुठलाही ठोस निर्णय घेतला जात नसल्यामुळे आता लवकरच नाशिकच्या जिल्हा परिषद कार्यालयासमोर न्याय मिळेपर्यत अन्नत्याग आंदोलन करण्याचा इशारा भारतीय मराठा महासंघाचे उतर महाराष्ट्र अध्यक्ष तथा युवा मराठा न्युज चँनलचे मुख्य संपादक राजेंद्र पाटील राऊत यांनी दिला आहे.
मालेगांव तालुक्यातील कौळाणे (नि.) व व-हाणे येथील पत्रकार भवनच्या जागेसाठीचा प्रश्न गेल्या सहा महिन्यापेक्षा अधिकच्या काळापासून प्रशासनाच्या व अधिकाऱ्यांच्या निष्काळजीपणिमुळे रेंगाळत पडला आहे.प्रत्यक्षात शासनाचे परिपत्रक जी.आर असतानाही मुद्दामच कागदी घोडे नाचविण्याच्या नादात मालेगांव तालुका पंचायत समितीच्या अधिकाऱ्यांकडून वेळकाढू धोरण राबविले जात आहे.
प्रत्यक्षात वरील गावामध्ये ज्या लोकांनी बेकायदेशीरपणे अतिक्रमण केलेत,त्यांची पाठराखण या अधिकाऱ्यांकडून केली जात आहे,तर नियमानुसार पत्रकार भवनला मागितलेली वरील गावातील जागा देण्यास अधिकारी दुटप्पी भुमिका पार पाडत आहेत.त्यामुळे आता जोपर्यंत पत्रकार भवनला जागा दिली जात नाही व त्याबाबत ठोस कारवाई होत नाही,तोपर्यंत नाशिक येथे जिल्हा परिषद कार्यालयासमोर बेमुदत अन्नत्याग आंदोलन लवकरच पुकारले जाईल असा इशारा राजेंद्र पाटील राऊत यांनी दिला आहे.
