Home Breaking News *गरबड गावात वाघ बारस सण साजरा*

*गरबड गावात वाघ बारस सण साजरा*

186
0

*गरबड गावात वाघ बारस सण साजरा*
(युवा मराठा न्युज नेटवर्क)
मालेगाव :- तालुक्यातील गरबड या आदिवासी बहुल गावात दिवाळी सणाचा पहिला दिवस वसुबारस व नरक चतुर्दशीला आदीवासी परंपरा कायम राखत वाघ बारस सण साजरा करण्यात आला.या गावात आदिवासी कोळी महादेव व भिल बांधव मोठ्या संख्येने राहतात.त्यांचा प्रमुख देव वाघ देव असतो.त्याला वाघ्या असे ही म्हणतात.दिवाळीचा पहिला दिवस या दिवशी शेतातील,रानातील नवीन धान्य,भाजीपाला याची पुजा केली जाते. गरबड लुल्ले गाव वेशीवर असलेल्या वाघोबा देवाला गोड नैवेद्य खीर दिली जाते.गरबड गावातील गुराखी, मेंढपाळ, बकरके सर्वजण वाघ देवाला प्रार्थना करतात की, आमचे गुरे,शेळ्या, मेंढ्या व आमच्या जीविताचे रक्षण करावे.सर्वजण खिरीचा आस्वाद घेतात.यालाच खिरीची वाघ बारस म्हणतात.सायंकाळी विधिवत घरी, गोठयात गाय, वासरू यांची वसुबारस प्रथेप्रमाणे पुजा केली जाते. दुसऱ्या दिवशी बोरी नदीच्या तीरावर जमून वाघोबाला बोकड,कोंबडे,बोंबील याचा तिखट नैवेद्य दाखवला याला बोंबली वाघ बारस म्हणतात.यासाठी गावातून गुळ, तांदुळ,कोंबडे, बकरू व वर्गणी गोळा केली होती.गरबड गावातील लोक, गुराखी, मेंढपाळ,लहान मुले हे विधिवत पुजा, प्रार्थना करतात.पाच लहान मुलांना वाघ बनवतात.सर्वजन रानात,वेशीवर भोजन करतात.वाघ बारस ही परंपरा आदिवासी कोळी महादेव पुर्वापार पाळत आले आहेत.काळाच्या ओघात ही परंपरा कायम टिकून राहावी यासाठी गावातील आदिवासी विचार मंच,बिरसा ब्रिगेड संघटना पदाधिकारी रमेश जाधव,मधु गुमाडे,गोरख भांगरे,गोरख नाडेकर,वसंत भांगरे,
प्रयत्न करीत आहेत.

विष्णू गुमाडे,शंकर जाधव,शिवाजी सबगर,नामदेव जाधव,दादाजी बगाड,संजय भांगरे,तात्या सबगर,वाल्मिक नाडेकर, राहुल वेडेकर,बजरंग गुमाडे, गुलाब भांगरे,हरी नाडेकर,शिवाजी गुमाडे, लहू जाधव,नामदेव माळी, शांताराम दळवी,पांगु माळी, रोहिदास भांगरे,सुरेश गुमाडे,कृष्णा जाधव,यशवंत करवंदे,बारकू जाधव,काकाजी भांगरे,रंगनाथ गुमाडे,बबलू जाधव यांनी विशेष परिश्रम घेतले. या कार्यक्रमात गरबड लुल्ले शिवारातील लोक मोठ्या संख्येने सहभागी होते.

Previous articleजवाहर सलगर वाढदिनानिमित्त आयोजित भव्य रक्तदान शिबीर
Next articleमाद्यमिक ,उच्च माध्यमिक व शालांत प्रमाणपत्र परीक्षा मार्गदर्शनासाठी जिल्हानिहाय समुपदेशक
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here