🛑 हॉटेल रात्री नऊपर्यंत खुले 🛑

🛑 हॉटेल रात्री नऊपर्यंत खुले 🛑

✍️( विजय वसंत पवार महाराष्ट्र प्रतिनिधी युवा मराठा न्युज )

नाशिक, 12 ऑक्टोबर : ⭕ हॉटेलिंगची आवड असलेल्या आणि कोविडमुळे खवय्येगिरीवर मर्यादा आलेल्या खाद्यरसिकांसाठी पालकमंत्री छगन भुजबळ यांनी एक खूशखबर दिली आहे. शहर आणि जिल्ह्यातील हॉटेल्स, रेस्टॉरंट्स आता सकाळी आठ ते रात्री नऊपर्यंत खुली ठेवण्याची परवानगी देण्यात आली आहे. सुरक्षित अंतरसारख्या नियमांचे भान ठेवून खाद्यरसिक आता डिनर पार्टीसारख्या एन्जॉयमेंटचा आनंद घेऊ शकणार आहेत. परमिट रूमदेखील सकाळी ११ ते रात्री नऊ या कालावधीत खुले ठेवता येणार असून, जिल्हाधिकारी सूरज मांढरे यांनी याबाबतची ऑर्डर प्रसिद्ध केली आहे.

टप्प्याटप्प्याने लॉकडाउन समाप्त करून जनजीवन पूर्वपदावर आणण्याचे राज्य सरकारचे प्रयत्न सुरू आहेत. त्याचाच भाग म्हणून मिशन बिगिन अगेनअंतर्गत निर्बंध शिथिल केले जात आहेत.

दुकाने रात्री आठपर्यंत करोना संसर्गाला अटकाव करण्यासाठी विविध स्तरावर उपाययोजना राबविण्यात येत असून त्यामुळे खासगी आस्थापनांच्या वेळांवर बंधने टाकण्यात आली. शहरासह जिल्ह्यातील सर्व प्रकारच्या व्यावसायिक आस्थापना सकाळी सात ते रात्री आठ या कालावधीत खुल्या ठेवता येणार आहेत. वेळेबाबतचे नियम न पाळल्यास संबंधित आस्थापनांवर गुन्हे दाखल करण्यात येतील असा इशारा जिल्हाधिकारी सूरज मांढरे यांनी दिला आहे.⭕